• Aaya Ngamazubaa Mamanino!
    Luzibo Lutola Kubuumi Butamani

    • 2. Mmubuzyo nzi Jesu ngwaakabuzigwa abasiciiya bakwe, alimwi mbuti mbwaakaingula?

      2 Mucikozyanyo, amuyeeye kwiingula Jesu nkwaakapa kumibuzyo imwi yakabuzigwa abasiciiya bakwe. Mazuba otatwe Jesu katana kufwa, bakamubuzya ategwa: “Ncinzi cizooba citondezyo cakubako kwako acamamanino aabweende oobu bwazintu?”a (Matayo 24:3, NW) Mukwiingula Jesu wakaamba zintu zimwi kuzigama izyakali kuyoocitika munyika ikutondezya munzila iilimvwisya kuti bweende oobu butali bwabuna Leza bwanjila mumazubaa mamanino.

  • Aaya Ngamazubaa Mamanino!
    Luzibo Lutola Kubuumi Butamani

    • a Aambi ma Bbaibbele abelesya bbala lyakuti “nyika” mubusena bwa “bweende oobu bwazintu.” Expository Dictionary of New Testament Words iyakalembwa a W. E. Vine yaamba kuti bbala lyaci Giliki lyakuti ai·onʹ “lyaamba ciindi cilaa bulamfwu bumwi butazizilwe, antela ciindi nocilangwa antoomwe acintu cimwi cicitika muciindi eeco.” Greek and English Lexicon to the New Testament yakalembwa a Parkhurst (apeeji 17) ilabikkilizya akwaamba kuti “bweende oobu bwazintu” ikubelesya bbala lyakuti ai·oʹnes (kuvwuzya) kuba Hebrayo 1:2. Aboobo kusandulula bbala eeli kuti “bweende oobu bwazintu” kuleendelana acibalo caci Giliki cakasandululwa.