“Kufwumbwa muntu uulangisisya mukaintu cakuti wamunyomenena, wacita kale bumambe anguwe mumoyo wakwe.”—Matayo 5:28.

Mucikozyanyo, Ibbaibbele lilacenjezya kuti, ikuti muntu uukwete ‘kalangisisya mukaintu’ ngobatakwetene limwi, cakuti wamunyomenena, cilakonzya kupa kuti acite bumambe. Injiisyo yamu Bbaibbele eeyi ilabeleka kumuntu uuli woonse, kufwumbwa naa ulikwete naa pe, ‘uulangisisya’ zyintu ziletela muzeezo wakoonana kajisi makanze aakucita bwaamu. Micito iili boobo ilamunyemya Leza.