3. Amwiiye kasimpe kujatikizya ciimo cabantu bafwide

Munyika yoonse kuli njiisyo ziindene-indene nzyobasyoma bantu kujatikizya cicitika ciindi notwafwa. Mubwini, takuli kuti njiisyo zyoonse eezyi nzyamasimpe.

• Ino ninjiisyo nzi zijatikizya ciimo cabantu bafwide izidumide kubusena nkomukkala?

VIDIYO: Ino Bafwide Bali Muciimo Nzi?​—Kabeela Buyo (1:19)

Amubale Mukambausi 3:20, akubandika mibuzyo eeyi:

• Kweelana akapango aaka, ncinzi cicitika ciindi muntu naafwa?

• Sena kuli cibeela cizumanana kupona ciindi muntu naafwa?

Bbaibbele litwaambila kujatikizya lufwu lwa Lazaro, mulongwe wa Jesu. Ciindi nomubala Johane 11:11-14, amubone Jesu mbwaakacaamba ciimo mwaakabede Lazaro. Akubandika mibuzyo eeyi:

• Ino Jesu lufwu wakalukozyanisya kunzi?

• Ino kukozyanya ooku kutwaambila nzi kujatikizya ciimo cabantu bafwide?

• Ino mulimvwa buti kujatikizya Bbaibbele ncolyaamba kumakani aabafwide?

4. Jesu wakatondezya kuti ulakonzya kubabusya bafwide

Amwiiye zinji kujatikizya Jesu ncaakamucitila mulongwe wakwe Lazaro. Amubale Johane 11:14, 38-44, akubandika mibuzyo eeyi:

• Ino tuzyi buti kuti Lazaro wakalifwide ncobeni?​—Amubone kapango 39.

• Ikuti naa Lazaro wakaunkide kujulu, sena muyeeya kuti Jesu naakamubusyila anyika?

Atweebelele VIDIYO.

VIDIYO: Jesu Wakamubusya Lazaro (1:16)