• ‘Amulisamike Kukkazika Moyo’
    Ngazi Yamulindizi—2001 | November 1

    • “Luyandisyo Lulakazika Moyo”

      9. Ino kuboneka kuti nkaambo nzi kakapa kuti Paulo aambile bana Korinto kuti “luyandisyo lulakazika moyo”?

      9 Paulo wakatondezya kuti kuli kuswaangana kuliko akati kaluyando alimwi akukkazika moyo ciindi naakaamba kuti: “Luyandisyo lulakazika moyo.” (1 Ba-Korinto 13:4) Sikwiiya Bbaibbele umwi wazina lya Albert Barnes, wakayeeya kuti Paulo wakakankaizya kaambo aaka akaambo kamazwanga alimwi ankondo zyakali mumbungano ya Banakristo baku Korinto. (1 Ba-Korinto 1:11, 12) Barnes wakati: “Ibbala libelesyegwa aawa [lyaamba kukkazika moyo] ndibbala likazyanya abbala lyakuti kutakkazika moyo: majwi abukali amizeezo mibi alimwi akukalazyigwa. Lyaamba mizeezo yamuntu yakukonzya KULIYUMYA KWACIINDI CILAMFWU ciindi naadyaamininwa naa kusokwa.” Luyando alimwi akukkazika moyo zilagwasya kapati kuluumuno lwambungano ya Banakristo.

      10. (a) Ino mmuunzila nzi luyando mbolutugwasya kuba bantu bakkazika moyo, alimwi ino ndulayo nzi mwaapostolo Paulo ndwapa kujatikizya makani aaya? (b) Ino makani nzi sikwiiya Bbaibbele ngaakaamba kujatikizya kukkazika moyo akufwida luzyalo kwa Leza? (Amubone majwi aakunsi.)

      10 “Luyandisyo lulakazika moyo akufwa luzyalo. Luyandisyo . . . talulilangilili cintu, talufwambi kujata bukali.” Aboobo kwiinda munzila ziindenyi-indenyi, luyando lulatugwasya kuba bantu bakkazika moyo.a (1 Ba-Korinto 13:4, 5) Luyando lutupa kuti katukkazikilana moyo umwi aumwi akuyeeya kuti toonse tatulondokede alimwi tulalezya mukucita zintu. Lulatugwasya kubikkila bantu bamwi maano alimwi akulekelelana. Imwaapostolo Paulo utukulwaizya kweenda “cakulibombya acakulitola ansi. Umwi aumwi akati kanu abe acamba cilemu akukazikila mweenzinyina moyo cakuyandana. Kamucisolesya kulondola lujatano luzwa ku-Muuya kucaanzyo caluumuno.”—Ba-Efeso 4:1-3.

  • ‘Amulisamike Kukkazika Moyo’
    Ngazi Yamulindizi—2001 | November 1

    • a Kaamba kujatikizya majwi aa Paulo aakuti “luyandisyo lulakazika moyo akufwa luzyalo,” sikwiiya Bbaibbele Gordon D. Fee wakalemba kuti: “Mulwiiyo lwamu Magwalo lwakalembwaa Paulo, imabala aaya obilo aakuti kukkazika moyo alimwi alyakuti kufwa luzyalo alatondezya mbazu zyobilo zyaciimo ca Leza kubantunsi. (cf. Rom. 2:4) Kulubazu lumwi, kweengelela munzila yaluyando kwa Leza kulatondezyegwa kwiinda mukulesya bukali bwakwe kubantu bazangi; kakuli kulubazu lumwi, luzyalo lwakwe lulajanika muzyuulu-zyuulu zyamajwi aakwe aalubomba. Nkaambo kaako bupanduluzi bwa Paulo bwaamba luyando lulatalika abupanduluzi oobu ibuli munzila zyobilo bwa Leza, walo kwiinda muli Kristo walitondezya kuti uleengelela alimwi akubafwida luzyalo aabo mbeeleede kubeteka calunya.”