Mulimo Wesu Ulabikkilizya Akugwasya Bakwesu Ciindi Nobacitikilwa Ntenda

8:1-4; 9:7

Mulimo wa Banakristo uli mumbazu zyobilo, “mulimo wakuyanzanya” naa mulimo wesu wakukambauka akuyiisya, alimwi ‘amulimo wakugwasya’ basyomima ciindi nobacitikilwa ntenda. (2Kor. 5:18-20; 8:4) Aboobo, kugwasya Banakristo ibayandika lugwasyo, ncibeela camulimo wesu uusetekene. Kwiinda mukutola lubazu,

• tubagwasyilizya kujana nzyobayandika bakwesu abacizyi.—2Kor. 9:12a

• tugwasya baabo ibakacitikilwa ntenda kuti batalike alimwi kucita milimo yabo yakumuuya, yalo iibikkilizya kutola lubazu cabusungu mumulimo wakukambauka ikutondezya kulumba kwabo kuli Jehova.—2Kor. 9:12b

• tupa kuti Jehova alemekwe. (2Kor. 9:13) Mulimo wakugwasya baabo ibacitikilwa ntenda upa bumboni kubantu boonse, kubikkilizya abaabo ibajisi mizeezo iitaluzi kujatikizya Bakamboni ba Jehova