Nobakubusi, Amube ‘Basungu Kubeleka Milimo Mibotu’

Mulugwalo ndwaakalembela Tito ilwakasololelwa amuuya, mwaapostolo Paulo wakalemba kuti, baalumi bacili bana-bana kubikkilizya a Tito, beelede kusolekesya kuba “cikozyanyo mukucita milimo mibotu munzila zyoonse.” (Tit. 2:6, 7) Mpoonya mucaandaano nciconya wakaamba kuti, bantu ba Jehova balasalazyigwa kutegwa babe ‘basungu kubeleka milimo mibotu.’ (Tit. 2:14) Mulimo umwi akati kamilimo eeyi mibotu nkukambauka alimwi akuyiisya bantu kujatikizya Bwami bwa Leza. Ikuti naa mucili bakubusi, mulakonzya kubelesya nguzu zyanu kucita bupainiya bwakugwasyilizya naa bwaciindi coonse.—Tus. 20:29.

Ikuti kamuyanda kuyooba mupainiya, amubikke bubambe bukonzya kumugwasya kucita boobo. (Lk. 14:28-30) Mucikozyanyo, ino munakwaajana kuli mali aakuligwasya ciindi mwanoobeleka mulimo waciindi coonse? Ino munoocikonzya buti kukkwanya mawoola aayandika aabupainiya? Amumulombe Jehova kutegwa amugwasye. (Int. 37:5) Amubandike abazyali banu kujatikizya makanze aanu alimwi abaabo ibacikonzya kuubeleka mulimo wabupainiya. Mpoonya amubweze ntaamu kutegwa mwiizuzikizye mbaakani yanu. Jehova uyoomulongezya akaambo kakuba basungu mumulimo wakwe.

AMWEEBELELE KAVIDIYO KAKUTI BAKUBUSI IBAMULEMEKA JEHOVA MPOONYA MWIINGULE MIBUZYO IITOBELA:

• Ino mbuyumuyumu nzi mbobakazunda bamwi kutegwa bacikonzye kubeleka kabali bapainiya, alimwi ino bakabuzunda buti?

• Ino bazyali inga babagwasya buti bana babo kuba bapainiya baciindi coonse?

• Nkaambo nzi ncociyandika kapati kuba amulongo wakuunka kukukambauka?

• Mbuti basimbungano mbobakonzya kubakulwaizya alimwi akubagwasya bapainiya?

• Ino nzilongezyo nzi nzyobajana aabo ibabeleka kabali bapainiya?