-
Amwaambe “Jwi Lili Kabotu Kukuyaka Bamwi”‘Amuzumanane Kukkala Muluyando lwa Leza’
-
-
7, 8. Ino mbuti Jehova mbwatubeteka kweelana amajwi ngotwaamba?
7 Kaambo katatu ncotweelede kulijata caboola kuzintu nzyotwaamba nkakuti, Jehova uyakutubeteka kweelana amajwi ngotwaamba. Nzyotwaamba tazijatikizyi buyo cilongwe cesu abantuma, pele ambwatubona Jehova. Lugwalo lwa Jakobo 1:26 lwaamba kuti: “Ikuti muntu uuli woonse kayeeya kuti mukombi wa Leza, pele taujati mulaka wakwe, weena moyo wakwe mwini, alimwi bukombi bwakwe mbwabuyo.” Mbubonya mbotwabona kale mucibalo cainda, nzyotwaamba zilabujatikizya bukombi bwesu. Ikuti naa katutaujati mulaka wesu, nkokuti, ikuti kawaamba majwi mabi, aabujayi, milimo yesu yoonse ya Bunakristo ilakonzya kuba yabuyo kuli Leza. Sena aaya taali makani mapati?—Jakobo 3:8-10.
-
-
Amwaambe “Jwi Lili Kabotu Kukuyaka Bamwi”‘Amuzumanane Kukkala Muluyando lwa Leza’
-
-
b Mu Bbaibbele, ibbala lyakuti “busofwaazi” ndibbala likonzya kubikkilizya zibi ziindene-indene. Nokuba kuti tabuli busofwaazi boonse bukonzya kupa kuti muntu abetekwe, muntu ulakonzya kugusyigwa mumbungano ikuti kateempwi kubusofwaazi bwiindilide.—2 Bakorinto 12:21; Baefeso 4:19; Amubone “Mibuzyo Yabasikubala” mu Ngazi Yamulindizi ya Chingisi ya July 15, 2006.
-