• Jehova Wasampaula Munzi Uulisumpula iwa Turo
    Ibusinsimi bwa Isaya Mumuni ku Bantu Boonse-Ibbuku 1

    • 32. Nkucenjezya nzi nkwaakapa Johane, alimwi mbuti mbotunga twakubelesya?

      32 Kufwumbwa naa bukkale bwesu buli buti mumakani aamali, Ibwami bweelede kuba kumbele lyoonse mubuumi bwesu. Cilayandika kapati kuti katwaayeeya lyoonse majwi aamwaapostolo Johane aakuti: “Mutayandi nyika, neziba zintu zyamunyika, kuti muntu wayanda nyika, luyando lwa-Taata taluli mulinguwe.” (1 Johane 2:15) Ncamasimpe kuti tuyandika kubelesya buvwubi bwanyika ikutegwa katupona. (2 Ba-Tesalonika 3:10) Aboobo ‘tubelesya zintu zyaansi,’ pele ‘tutapangiki myoyo kukubelesya nzizyo.’ (1 Ba-Korinto 7:31) Ikuti katuziyandisya kapati zintu zyakumubili, izintu zili munyika, nkokuti tatucimuyandi pe Jehova. Ikutobela “zisusi zyanyama niziba zisusi zyameso nikuba kulisumpula kwabuumi” takweendelani pe akucita kuyanda kwa Leza.d Alimwi ikucita kuyanda kwa Leza nkokusololela kubuumi butamani.—1 Johane 2:16, 17.