• “Mulwanine Lusyomo”!
    Ngazi Yamulindizi—1998 | June 1

    • 5. Nkuumusinsimi nzi wansinku Juda nkwazubulula, alimwi ino businsimi obo bwakatondezya buti kuti buyoozuzikizigwa ncobeni?

      5 Mpoonya Juda waamba lubeta lwiindide. Wazubulula businsimi bwa Enoki—ikapango katajaniki kumbi pe mu Magwalo aakasololelwa aa Leza.a (Juda 14, 15) Enoki wakasinsima ciindi Jehova nayoobeteka bantu batali banaleza antoomwe amicito yabo iitali yabunaleza. Pele Enoki wakali kwaamba mbuli kuti zintu zyakalicitikide kale nkaambo lubeta lwa Leza lwakali kuzyoocitika ncobeni elyo lwakali kulangwa mbuli cintu cakacitika kale. Ibantu balakonzya bakali kumuseka Enoki a Nowa, pele basimasampu boonse bali boobu bakanyikila mu Zambangulwe lyanyika yoonse.

  • “Mulwanine Lusyomo”!
    Ngazi Yamulindizi—1998 | June 1

    • a Ibavwuntauzi bamwi baamba kuti Juda uzubulula kuzwa mu Book of Enoch lyalo litali akati kamabbuku aazwa kuli Leza. Nokuba boobo, R. C. H. Lenski waamba kuti: “Tulabuzya: ‘Ino eci cibeela ca Book of Enoch cakazwa kuli?’ Eli bbuku lyakayungizigwa buyo alimwi kunyina uuli masimpe kujatikizya madeeti aazibeela zyandilyo zyaandeene-andeene . . . ; kunyina uuli masimpe kuti naa twaambo tumwi twandilyo teetwakabwezegwa kuli Juda nguwenya.”