• Atubukwabilile Bunakristo Bwesu
    Ngazi Yamulindizi—2005 | March 1

    • 4. Mbuti Jesu mbwaakakankaizya mbociyandika kapati kulindiswe kubukwabilila Bunakristo bwesu?

      4 Nokuba boobo, mbotuli babelesi ba Jehova balyaabide, tulizyi kuti inga kwaba kulibikka muntenda kuli umwi aumwi wesu—mwana naa imupati—ikucileka kuba Munakristo. Ikuzilanga bweelede zintu kuti tuli Banakristo kulakonzya kuyaama buyo kuzyeelelo zya Jehova alimwi azintu nzyalangila kulindiswe. Eeci cileelede akaambo kakuti twakalengwa mucinkozya cakwe. (Matalikilo 1:26; Mika 6:8) Ibbaibbele likozyanya bube bwesu bwa Bunakristo kuzisani izisamwa kutegwa boonse babone. Kujatikizya ciindi ncotupona, Jesu wakacenjezya kuti: “Amubone, ndaboola mbuli mubbi. Uli acoolwe oyo uulangilila akubamba zyakusama zyakwe, kuti ataendi acinswe akubonwa kuusa kwakwe.”a (Ciyubunuzyo 16:15) Tatweelede kusamununa bube bwesu bwa Bunakristo azyeelelo zyakulilemeka zibotu alimwi akutalekela nyika ya Saatani kutweendelezya. Ikuti cili boobo catucitikila, tulakonzya kusweekelwa ‘zyakusama zyesu’ eezyi. Ibukkale oobo bulakonzya kutyompya alimwi akujazya nsoni.

  • Atubukwabilile Bunakristo Bwesu
    Ngazi Yamulindizi—2005 | March 1

    • a Majwi aaya alakonzya kwaamba milimo yamulangizi watempele acilundu mu Jerusalemu. Masiku, wakali kweendeenda kuzinguluka tempele kutegwa abone naa balindizi bana Levi bakacili kulanga antela koona amilimo yabo. Kufwumbwa mulindizi wajanwa uloona wakali kukandaulwa amusako alimwi zyakusama zyakwe zyakali kukonzya kuumpwa kutegwa asubulwe kwiinda mukusampulwa.