bupainiya bwaciindi coonse, pele bakazumanana kupasa kabotu kabajana A muziiyo zyabo zyoonse zyabweendelezi bwamakani aamali. Kunze lyaboobo, bakali kukonzya aumwi kucita ziiyo zya Bbaibbele zisika ku 14 nsondo ansondo nokuba kuti bakacili kuunka kucikolo. Aaba basimbi basyoma kuti lwiiyo lwabo lwabweendelezi bwamakani aamali lulabagwasya kujana mulimo uzwide kutegwa bakakonzye kuligwasya mumulimo wabukambausi waciindi coonse.

14. Noluvwula buti lwiiyo ndotunga twasala, ncinzi ceelede kuba cintu cipati mubuumi bwesu?

¹⁴ Kuti naa wasala kuyungizya lumbi lwiiyo atala aloluya luyandika amulawo, koyeeya kabotu ncocitila boobo. Sena ucitila aakaambo kakuti uyanda kulijanina zina alimwi akuvwuba munzila yakumubili? (Jeremiya 45:5; 1 Timoteo 6:17) Naa ujisi makanze aakubelesya lwiiyo olo lwaambele kutegwa uye ambele mumulimo wa Jehova? Umwi mukubusi uutegwa Lydia, iwakasala kucita lwiiyo lwaambele, wakatondezya kuti muzeezo wakwe ujatikizya zintu zyakumuuya, wakati: “Bamwi bacita lwiiyo lwaambele akaambo kamuuya wakuyanda kuvwuba munzila yakumubili, aboobo bamuluba Leza. Icintu cipati kulindime nduyanzano lwangu a Leza.” Cabota ciimo eco ncotweelede kuba acalo toonse!

15. Nkwaandaana nzi kwakaliko mulwiiyo akati ka Banakristo bamumwaanda wamyaka wakusaanguna?

¹⁵ Banakristo bamumwaanda wamyaka wakusaanguna bakalijisi lwiiyo lwandeene-andeene. Mucikozyanyo, bamaapostolo ba Petro a Johane bakali kubonwa kuti mbantu “buyo abatakaiya” nkaambo teebakayiila muzikolo zyaburabbi. (Incito 4:13) Walo mwaapostolo Paulo wakatambula lwiiyo lweelene alwiiyo lwasunu lwaku univesiti. Nokuba boobo Paulo taakabelesya lwiiyo olo kulijanina bulemu; muciindi caboobo, lwakamugwasya ciindi naakali kukambaukila bantu babukkale bwaandeene-andeene. (Incito 22:3; 1 Ba-Korinto 9:19-23; Ba-Filipi 1:7) Mbubonya buyo a Manayeni “uwakakomena [akwiiya] antoomwe amwami Heroda,” wakali umwi wabaabo bakali kweendelezya mbungano yaku Antiokeya.—Incito 13:1.

Nkaambo nzi Ncoyelede Kubelesya Kabotu Mali Aako?

16. (a) Nkaambo nzi ncocinga catuyumina kuyeeya Mulengi wesu notuli mucikwelete? (b) Muunzila nzi cikozyanyo cimwi ca Jesu mocitondezya bupati bwakuyeeya katutana belesya mali?

¹⁶ Kuti kotaalangi kabotu mali ako, cilakonzya cakuyumina kuyeeya Mulengi wako kwiinda mukucita cimukkomanisya. Nkaambo kuti naa waba mucikwelete, inga kwategwa walinjizya mubuzike bwaumbi. Ibbaibbele lipandulula kuti: “Sizikoloto ngumuzike wasikukolotya.” (Tusimpi 22:7) Cimwi cazikozyanyo zya Jesu cilaamba mbocili cipati kuyeeya katutana kubelesya mali. “Ino nguuli akati kanu, uuyanda kuyaka ŋanda ndamfu, uutasaanguni kukala sansi, abale mali ngati yasye ŋanda, abone na ulijisi aakwiizyulizya? Kuti antela amane kuyaka ntalisyo, akakilwa kwiimana, boonse abiibona banoomuseka.”—Luka 14:28, 29.

17. Nkaambo nzi ncocili ciyumu kanjikanji kulyeendelezya caboola kumakani aakubelesya mali?

¹⁷ Aboobo kwiinda mukuyeeya kabotu, ulasola kutobela njiisyo yamu Magwalo yakuti, “mutabi amulandu nuuba muniini kumuntu naba omwe, pele mulandu wakuyandana ulike.” (Ba-Roma 13:8) Pele eci nciyumu kutobela, ikapati kuti kwazumanana kulibonya zintu zipya ezyo basikwaambilizya makwebo nzyobaamba kuti zilayandika kulindinywe. Umwi muzyali iwasola kugwasya bana bakwe kubelesya bupampu wakati: “Twabandika kapati makani aazintu ziyandika cini-cini azitayandiki.” Izikolo taakwe nozyayiisya makani aya pe, taakwe nozyapa malailile eni-eni aajatikizya mbokubelesegwa mali munzila yamaanu. “Tulamanizya zikolo aluzibo buyo lwama isosceles triangle muciindi cakuziba mbotweelede kubamba mali,” mbwaakaamba umwi muntu uucita milimo iijatikizya buleya. Aboobo ncinzi cinga cakugwasya kubelesya kabotu mali?

18. Ncintu nzi cipati cinga catugwasya kubelesya kabotu mali, alimwi nkaambo nzi?

¹⁸ Cilikke cintu cinga cakugwasya kuziba kubamba kabotu mali, nkumvwa malailile aakuti, “Koyeeya Mulengi wako.” Nkaambo kuti wamvwa malailile ayo, ulabikkila kapati maanu kukukkomanisya Jehova, elyo luyando ndojisi kulinguwe lulajatikizya mbotibelesye mali ako. Aboobo, ulasola kutazumizya zintu nzyoyanda kuti zinyonganye mulimo ngobelekela Leza amoyo wako woonse. (Matayo 16:24-26) Ulasola kucita kuti liso lyako kalili “kabotu” nkokuti, kaligeme buyo kulanga Bwami bwa Leza alimwi akucita kuyanda kwakwe. (Mateyo 6:22-24, Ci) Aboobo ulatalika kubona kuti cilakkomanisya kumvwa malailile aa Leza aakuti “lemeka Jehova ambono zyako.”—Tusimpi 3:9.

Bakubusi Beelede Kutobela

19. Mbuti bakubusi kaindi mbobakayeeya Mulengi wabo?

¹⁹ Mucoolwe, bakubusi banji, bakaindi abasunu bayeeya Mulengi wabo. Mwana muniini Samuele wakakakatila mumulimo wakwe wamutente nokuba kuti wakali kubeleka abantu batakali kulilemeka. (1 Samuele 2:12-26) Mwanakazi wa Potifara sikusunka taakakonzya koongelezya mukubusi Josefa kuti acite bumambe. (Matalikilo 39:1-12) Nokuba kuti wakacili “mwanikenike,” Jeremiya wakakambauka cakutayoowa nakazigwa kapati. (Jeremiya 1:6-8) Kana kasimbi kana Israyeli teekakayoowa kulailila mweendelezi wabasilumamba singuzu muna Aramu kuti ayandaule lugwasyo ku Israyeli nkwaakali kunooyiila makani aa Jehova. (2 Bami 5:1-4) Daniele wakali mukubusi abeenzinyina teebakasowa lusyomo lwabo ciindi nobakasunkwa kutyola milawo ya Leza iijatikizya zyakulya. Abalo bakubusi ba Sadrake, Mesaki alimwi a Abedinego bakasala kuwaalilwa mubbila lyamulilo muciindi cakubisizya Leza kwiinda mukukomba kumbele aacikozyanyo.—Daniele 1:8, 17; 3:16-18; Kulonga 20:5.

20. Mbuti bakubusi banji mbobayeeya Mulengi wabo sunu?

²⁰ Sunu bakubusi bainda ku 2,000 bajisi myaka yakuzyalwa iili akati ka 19 kusikila ku 25 babelekela kumaopesi mapati nyika yoonse mbwiizulwa aa Bakamboni ba Jehova ku New York State ku U.S.A. Aaba bakubusi nkabeela buyo kaniini kamakumi-makumi aazyuulu zyabana-bana ibali mukuyeeya Mulengi wabo nyika yoonse mbwiizulwa. Abalo mbweena mbuli Josefa wakaindi, bakaka kusofwaazya bukkale bwabo. Ibanji bamvwa Leza kwiinda bantu ciindi nobasinikizigwa kusala ngobayanda kubelekela. (Incito 5:29) Mu 1946, ku Poland, Henrika Zur uuli amyaka yakuzyalwa ili 15, wakapenzegwa naakakaka kucita cintu cijatikizya bukombi bwamituni. “Ulakonzya kusyoma kufwumbwa ncoyanda,” mbwaakalailila umwi wabasikupenzya, “kopanga buyo citondezyo ca Cikatolika caciingano.” Akaambo kakuti wakakaka, wakakwelelwa mucisaka mwaakaakudubulwa, wakafwa kabutazungeene bulangizi bwakwe bwabuumi butamani!b

21. Malailile nzi ngotunga twayandika kutambula, kuzwa waawo ncinzi ncotunga twajana?

²¹ Ino talikkomanini Jehova akaambo kabana baniini aba ibamuyeeya mumyaanda yamyaka eyi yainda! Sena mulabweza ntaamu kumalailile aakuti, “Koyeeya Mulengi wako”? Masimpe muleelede kumuyeeya! Koyeeya buzuba abuzuba zintu zyoonse nzyaakucitila alimwi anzyayakukucitila, alimwi waatambule malailile aakuti: “Songwaala, mwanaangu, ukondezye moyo wangu, kuti mbe aluvwiilo kuliyooyo uundisampaula.”—Tusimpi 27:11.

Mulongo Wamitwe Yazibalo mu Ngazi Yamulindizi ya 1996

Ulatondezya deeti yakumwaya kujisi cibalo eco

BASIKWAAMBILIZYA BWAMI BALALUULA

6/1

BBAIBBELE

Kaano ka Zambangulwe Kalazuminana Ancolyaamba Bbaibbele, 10/1

BUUMI ABUBE BWA BUNAKRISTO

Bunakristo Bwakusaanguna a Bulelo, 5/1

“Ciindi cakuumuna aciindi cakwaamba,” 5/1

Kamulubambide Lusyomo Lwenu Kusikila Kumamanino, 5/1

Leza, Ibulelo, Alimwi Andinywe, 5/1

“Uupandulula Makani Aalusinizyo Mbukweelede,” 1/1

JEHOVA

Leza Ulamulanganya Nywebo, 3/1

Lyoonse Kamubikka Mikuli Yenu Mumaanzaa Jehova, 5/1

Sena Ncobeni Inga Mwamuyanda Leza? 7/1

JESU KRISTO

Ikumvwa Majwi aa Jesu Aakumamanino, 3/1

KULUULA BUUMI

Wakabelekela Jehova Cakulibombya (J. Booth), 7/1

MIBUZYO YABASIKUBALA

Bwami bwa Leza Buboole Ansi Ano, 6/1

ZIBALO ZIPATI ZYACIIYO

Amubale Jwi lya Leza, Mumubelekele Mukasimpe, 6/1

“Amulindile Ndime,” 3/1

Amulubambe Lukamantano Mumazuba aya Aamamanino, 8/1

“Amusalale, Nkaambo Ndasalala Mebo,” 8/1

“Amusalale Mukweenda Kwanu Koonse,” 8/1

“Amusamausye Beenzu,” 10/1

Amusungwaale Kukubala, 6/1

Amusyome Jehova a Jwi Lyakwe, 2/1

Amusyome Muli Jehova Kuti Amupe Luumbulizyo, 11/1

“Amutembaule Jehova!” 4/1

Amutembaule Mwami Walyoonse Alyoonse! 4/1

“Amuyandisye Buswini Aluumuno”! 1/1

Bakubusi Bayeeya Mulengi Wabo, 12/1

Balangizi Beendeenda—Zipego Kubantu, 12/1

Bantu Bayandika Luzibo lwa Leza, 1/1

Boonse Bayoobetekwa Kuli Leza, 10/1

Bwami bwa Leza—Sena Mulabumvwisya? 2/1

Ibalangizi Beendeenda Mbobabeleka Mbuli Babanzi Basyomeka, 12/1

Ikuba Mwaalu Uukwete—Kuyumuna Mikuli Eeyi Yoonse Kabotu, 11/1

Ikusamausya Kwa Bunakristo Munyika Eeyi Iizandukene, 10/1

Ikwaabilana Luumbulizyo Ndwapa Jehova, 11/1

“Iŋanda Yakukombela Yamasi Oonse,” 7/1

Itempele Pati lya Jehova Ilyakumuuya, 7/1

Jehova Amuyeeye Kumpuwo Yanu Mbotu, 10/1

Jehova Ulapa Luumuno Alusinizyo Lunji, 1/1

Kuboola kwa Jesu naa Kubako kwa Jesu—Ncili Ciluzi? 9/1

Kubukonzya Buyumuyumu Bwakusyomeka, 3/1

Kukondwa Lino Mane Kukabe Kutamani, 2/1

Kupa Zintu zya Kaisara Kuli Kaisara, 5/1

Kupona Mumulawo wa Kristo, 9/1

Kutakwata—Kujulila Mulyango Wakucita Mulimo Cakutalipakasizya, 11/1

Kutijila Kubusena Bwalufutuko “Mapenzi Mapati” Naatana Boola 6/1

Kuzunda Kwabukombi Bwini-Bwini Kwavwulaafwi, 7/1

Leza a Kaisara, 5/1

Lulongezyo naa Lutuko—Izitondezyo Kulindiswe Sunu, 7/1

Lulongezyo naa Lutuko—Nkulisalila! 7/1

Lunyungu Lwamuzoka—Ino Lwayubununwa Buti? 6/1

Lwiiyo—Amulubelesye Kutembaula Jehova, 2/1

“Maanza Aako Atabombi,” 3/1

Mbaabo Basyomeka! 3/1

Mbelele zya Jehova Ziyandika Kubamba Kabotu, 1/1

Mukwasyi wa Jehova Ulaa Lukamantano Lubotu, 8/1

Mulawo Katana Kristo, 9/1

Mulawo wa Kristo, 9/1

Mwaalu Uujisi Bana—Kuzuzikizya Mbazu Zyoonse Zyobile, 11/1

Ncobulongezegwa a Leza Bukombi Bwini-Bwini, 4/1

Ncobuyoomanina Bukombi Bwanyika, 4/1

Nobazyali Amukkomane Abana Banu, 12/1

Sena Muyakufwutuka Ciindi Leza Nayakubweza Ntaamu? 9/1

Tulijisi Kaambo Ncotweelede Koongolola Cakukondwa, 2/1

ZIVWELENE-VWELENE

Ciibalusyo Amucisekelele Cakweelela, 4/1

Ciindi Kulangana Ziimo Nokuyoomaninina! 6/1

Ciindi Nokucitika Ntenda Zijatikizya Zilengwaleza, 12/1

Ibulangizi Bubotu Ibwasoolu, 8/1

Ikumaninina Kwakulwana—Kuyooba Buti? 2/1

Isita naa Ciibalusyo—Ncili Ncomweelede Kutobela? 4/1

Kupa Lugwasyo Muciindi Zintu Nozinyonyooka, 12/1

Luumbulizyo Kubadyaaminidwe, 11/1

Luumbulizyo Mukati ka Myaka Yone ya Nkondo, 11/1

“Mwati Ndaa Makani Buya Kuli Leza?” 3/1

Sena Maloto Alakonzya Kusinsima Ziza Kumbele? 10/1

Sena Mulijatikizidwe Mukulangwa Ciimo? 6/1

Sena Soolu Ncintu Citafwi? 8/1

Tweelede Kulota, 10/1