Amujane Lwiiyo Lulibedelede

Mu Nsondo, August 6, 2006, bwakali buzuba bwakusekelela kumanizya cikolo cabaalu abakutausi ibali 24 mucikolo canamba 33 ca Cikolo Cakwiiya Mulimo.

Cikolo ciyungizya luzibo lwakusololela mumulimo wakukambauka, kutola lubazu mukweembela butanga alimwi akuyiisya mumbungano. Munsondo zili lusele zyakwiiya, basicikolo balaiya zintu zinji kujatikizya Bbaibbele. Cakubikkila maanu, balaiya njiisyo zinji zyamu Bbaibbele kubikkilizya amikuli yabweembezi alimwi amalailile aajatikizya mbokweendelezyegwa mapenzi aamubuumi bwa Bunakristo. Alimwi balaiya Magwalo ncaayiisya kumakani aabweendelezi, lubeta, alimwi amakani aajatikizya mbunga. Balapegwa lwiiyo lulibedelede lwakuba mwaambi waabuleya alimwi umwi-aumwi kumugama ulapegwa lugwasyo kutegwa baye ambele kumuuya.

Lyamiswaangano yabbazu, balangizi bazyooko balaswaangana abaalu alimwi abakutausi batakwete bajisi myaka yakuzyalwa iili akati ka 23 a 50, ibalisungwide kuyiisyigwa a Jehova kwamyezi yobile. (Mik. 4:1, 2) Amwaalange-lange cakwaapailila makani aaya mubone ikuti naa mulakonzya kujana lwiiyo oolu lulibedelede ikutegwa mube a “lulimi lwabaiyide” lwalo luyoogwasya bamwi.—Is. 50:4.

Ciindi Mulimo Wesu wa Bwami uuno nowakali kusimbwa, Cikolo Cakwiiya Mulimo canamba 34 cakalitalikide kale.