Sena Mulatubelesya Tupepa Twaambilizya?

Bumwi buzuba, musankwa umwi iwakajisi myaka yakuzyalwa iili 11 wakajana kapepa kaambilizya mutwe wamakani aabuleya aajatikizya helo. Nokwakainda ciindi wakaamba kuti, “Mutwe wamakani ooyu wakandikkomanisya akaambo kakuti lyoonse ndakali kulubizya, aboobo, ndakali kulibilika kuti ndiya kupya mumulilo wahelo.” Wakajanika kumakani aabuleya aaya, alimwi wakatalika kwiiya Bbaibbele, nokwakainda mwaka omwe wakabbapatizigwa. Aawa Karl Klein mpaakatalikila mulimo wakwe wa Bunakristo, alimwi wakazyikuba mu Kabunga Keendelezya ka Bakamboni ba Jehova kwamyaka minji. Zyoonse eezyi zyakatalikila aakapepa kaambilizya.

Mazuba aano, tupepa twaambilizya twazumanana kugwasya mumulimo wakukambauka. Basikumwaya banji bajana kuti cilauba-uba kulipandulula alimwi akutalika mubandi ikuti naa basaanguna kupa muntu kapepa aaka. Bazyali balakonzya kugwasya banababo basyoonto kuti batole lubazu mumulimo wakukambauka kwiinda mukubapa kapepa kaambilizya kuti bape mukamwiniŋanda. Basikumwaya ibakambauka kwiinda mukulemba lugwalo balakonzya kubikkilizya kapepa kaambilizya mulugwalo. Masimpe tupepa twaambilizya tulagwasya ciindi notutamba basikwiiya Bbaibbele alimwi abantu bamwi kuti baboole kumiswaangano yesu.

Sena mutubelesya kabotu tupepa twaambilizya ciindi nomuli mumulimo wenu wakukambauka?