Kupandulula Nzyotusyoma Kujatikizya 1914

Magwalo atukulwaizya kuba ‘balibambilide kwiiminina’ nzyotusyoma, ‘kucita boobo amoyo mubombe alimwi abulemu kapati.’ (1 Pe. 3:15) Kwaamba masimpe, cilakonzya kutuyumina kupandulula makani mapati aamu Bbaibbele, mbuli aajatikizya mbotuzyiba kuti Bwami bwakatalika kulela mu 1914. Kutegwa tugwasyigwe, kwabambwa zibalo zijisi zibeela zyobilo zyamutwe wakuti “Mubandi Amukamwini Ŋanda—Ino Bwami bwa Leza Bwakatalika Lili Kulela?” Zibalo eezyi zilajanika mu Ngazi Yamulindizi njotwaabila mumulimo wesu mu October a November. Mwanoolanga-langa zibalo eezyi, amubone mibuzyo iitobela kujatikizya nzila nzyobakabelesya ba Mudenda, sikumwaya uuli mucibalo.

Mbuti . . .

• mbobakabelesya kulumbaizya kutegwa bajane kaambo komwe nkobazuminizyanya?—Mil. 17:22.

• mbobakatondezya kulicesya ciindi nobakali kupandulula nzyobasyoma?—Mil. 14:15.

Nkaambo nzi ncocakali cibotu kuti . . .

• ciindi aciindi bakali kwiinduluka twaambo kabatanabandika twaambo tumbi?

• aciindi bakali kwiima akubuzya mukamwini ŋanda ikuti naa wakamvwisya kaambo nkobapandulula?

• tiibakali kwaamba twaambo tunji aciindi comwe?—Joh. 16:12.

Eelo kaka tulamulumba Jehova, ‘Mwiiyi wesu Mupati,’ akaambo kakutuyiisya mbotweelede kupandulula makani mapati aamu Bbaibbele kulibaabo bajisi nzala yakasimpe!—Is. 30:20.