-
Mubuzyo 13: Ncinzi Bbaibbele ncolyaamba kujatikizya mulimo?Bbaibbele lya Busanduluzi Bwanyika Mpya
-
-
MUBUZYO 13
Ncinzi Bbaibbele ncolyaamba kujatikizya mulimo?
“Sena wamubona muntu uucibwene kubeleka mulimo wakwe? Uyakwiima kumbele lyabami; takaimi kumbele lyabantu-bantu buyo pe.”
“Ooyo uubba atabbi limbi pe, muciindi cakubba abeleke mulimo canguzu, acite mulimo mubotu amaanzaakwe, kutegwa abe acintu cakupa yooyo uubulide.”
“Muntu woonse kalya, kanywa alimwi akukkomana akaambo kamilimo yakwe yoonse njabeleka canguzu. Eeci ncipego ca Leza.”
-
-
Mubuzyo 14: Mbuti mbomukonzya kulubelesya kabotu lubono lwanu?Bbaibbele lya Busanduluzi Bwanyika Mpya
-
-
MUBUZYO 14
Mbuti mbomukonzya kulubelesya kabotu lubono lwanu?
“Muntu uuyandisya kusobana uyoocetaala; ooyo uuyandisya waini amafwuta takavwubi pe.”
“Sikukweleta muzike wayooyo uukweletesya.”
“Nguni akati kanu uuyanda kuyaka ngazi uutasaanguni kukkala ansi akubona mali aayandika, kutegwa azyibe naa ulijisi mali aakkwana kuyasya alimwi akumanizya ngazi eeyo? Buyo-buyo, ulakonzya kuyaka ntalisyo ilikke akukakilwa kwiimanizya, mpoonya basikulangilila boonse bayootalika kumuseka, kabati: ‘Muntu ooyu wakatalika kuyaka pele cakamwaalila kumanizya.’”
“Bantu nobakalya akukkuta, wakaambila basikwiiya bakwe kuti: ‘Amubwezelele bufwefwelenga boonse bwasyaala, kutegwa kutabi cinyonyooka.’”
-
-
Mubuzyo 15: Ino inga mwalujana buti lukkomano?Bbaibbele lya Busanduluzi Bwanyika Mpya
-
-
MUBUZYO 15
Ino inga mwalujana buti lukkomano?
“Ncibotu kulya buyo cisyumani kakuli luyando kwiinda kulya nyama yaŋombe iineneede kumwi kakuli lusulo.”
“Mebo, nde Jehova ndime Leza wako, ndime ndikuyiisya kuti ugwasyigwe, uukusololela munzila moyelede kweendela.”
“Balikkomene aabo bazyi kuti bayandika kusololelwa a Leza, nkaambo Bwami bwakujulu mbubwabo.”
“Weelede kuyanda simukobonyoko mbubonya mbuli mboliyanda omwini.”
“Mbubonya mbomuyanda kuti bantu bamucitile, andinywe amubacitile mbubonya.”
“Ibakkomene mbaabo baswiilila jwi lya Leza akucita ncolyaamba!”
“Nokuba kuti muntu kajisi zintu zinji buti, ibuumi bwakwe tabuzwi kuzintu eezyo nzyajisi.”
“Aboobo twanoojisi cakulya azisani, tunookkutila azintu eezyi.”
“Kupa kulakkomanisya kapati kwiinda kupegwa.”
-
-
Mubuzyo 16: Mbuti mbomukonzya kuliyumya kupenzi lyakulibilika?Bbaibbele lya Busanduluzi Bwanyika Mpya
-
-
MUBUZYO 16
Mbuti mbomukonzya kuliyumya kupenzi lyakulibilika?
“Kowaala mukuli wako uuminya mumaanza aa Jehova, eelyo walo uyookulanganya. Kunyina nayoolekela muntu uululeme kuti awe.”
“Makanze aabankutwe masimpe apa kuzwidilila, pele bantu boonse baingana kucita zintu ncobeni balacetaala.”
“Utayoowi pe, nkaambo ndilaanduwe. Utalibiliki pe, nkaambo ndime Leza wako. Ndilakuyumya, inzya ndilakugwasya, ncobeni ndinookujatilide ajanza lyangu lyalulyo lyabululami.”
“Nguni akati kanu kwiinda mukulibilika uukonzya kuyungizya buumi bwakwe naaceya?”
“Aboobo mutanoolibiliki zyabuzuba butobela, nkaambo buzuba butobela bunooli azyakulibilika zyambubo. Buzuba bumwi abumwi bulijisi mapenzi aambubo aakkwene.”
“Musinizye zintu ziyandika kapati.”
“Mutalibiliki acintu nociba comwe, pele muzintu zyoonse, kwiinda mumupailo akukombelezya antoomwe akulumba, amumuzyibye Leza nzyomulomba; eelyo luumuno lwa Leza oolo lwiinda maano oonse luyookwabilila myoyo yanu amizeezo yanu kwiinda muli Kristo Jesu.”
-
-
Mubuzyo 17: Mbuti Bbaibbele mbolikonzya kugwasya mukwasyi wanu?Bbaibbele lya Busanduluzi Bwanyika Mpya
-
-
MUBUZYO 17
Mbuti Bbaibbele mbolikonzya kugwasya mukwasyi wanu?
BAMALUMI/BAMAUSYI
“Munzila njiyona eeyi balumi abalo beelede kuyanda bakaintu babo mbuli mbobayanda mibili yabo beni. Mwaalumi uuyanda mukaintu wakwe ulaliyanda mwini, nkaambo kunyina muntu wakasulide kale mubili wakwe mwini, pele ulausanina akuubamba kabotu . . . Umwi aumwi wanu weelede kuyanda mukaintu wakwe mbubonya mbwaliyanda mwini.”
“Nomausyi, mutanoobanyemyi bana banu pe, pele amuzumanane kubalela mululayo alwiiyo lwa Jehova.”
BAMAKAINTU
“Mukaintu awalo weelede kumulemeka kapati mulumaakwe.”
“Nywebo nobakaintu, amulibombye kubalumi banu, mbwaanga eeci ncibotu mu Mwami.”
BANA
“Nobana, amumvwide bazyali banu mu Mwami, nkaambo eeci cililuleme. ‘Lemeka bauso abanyoko’ ngomulawo wakusaanguna uujisi cisyomezyo cakuti: ‘Kutegwa zintu zikweendele kabotu akuti woongole anyika.’”
“Nywebo nobana, amubamvwide bazyali banu muzintu zyoonse, nkaambo eeci cilakkomanisya mu Mwami.”
-