MUBUZYO 10
Ino Bbaibbele lisyomezya nzi kujatikizya ciyoocitika kumbele?
“Balulami bayookona nyika, alimwi bayookkala alinjiyo lyoonse mane kukabe kutamani.”
“Nyika inooliko lyoonse mane kukabe kutamani.”
“Uyoolumena lufwu mane kukabe kutamani, alimwi Mwami Singuzuzyoonse Jehova uyoosindula misozi kumasyu oonse.”
“Aciindi eeco meso aaboofwu ayoojaluka, aalo matwi aabasinkematwi ayoosinkuka. Aciindi eeco mulema uyoosotauka mbuli insya, awalo mulaka wasyaataambi uyakoongolola cakukondwa. Nkaambo maanzi ayoopoomoka munkanda, atulonga tuyookunka mucibanda camucimpayuma.”
“Uyoosindula misozi yoonse kumeso aabo, alimwi lufwu talukabi limbi, akwalo koomoka, kulila nokuba kucisa takukabi limbi pe. Zintu zyakaindi zyamana.”
“Bayooyaka maanda akukkala mulingawo, bayoosyanga myuunda yamisaansa akulya micelo yanjiyo. Tabakayaki maanda kuti muntu uumbi akakkale nguwe mulingawo, alimwi tabakasyangi myuunda kuti muntu uumbi akalye nguwe micelo yanjiyo. Nkaambo mazuba aabantu bangu ayooba mbuli mazuba aacisamu, alimwi basale bangu bayakwiikkomanina kapati milimo yamaanza aabo.”