Makani Aajanika mu Jwi lya Leza

Ibbaibbele lijisi mulumbe wa Leza, naa jwi lyakwe kulindiswe mazuba aano. Lilatutondezya mbotweelede kupona kutegwa tuzwidilile mubuumi alimwi ambotukonzya kukkomaninwa a Leza. Lilaingula amibuzyo eeyi iitobela:

1 Ino Leza nguni?
2 Mbuti mbomukonzya kwiiya kujatikizya Leza?
3 Ino nguni wakalemba Bbaibbele?
4 Sena Bbaibbele lililuzi mumakani aasayaansi?
5 Ino mulumbe nzi uujanika mu Bbaibbele?
6 Ncinzi Bbaibbele ncolyakasinsima kujatikizya Mesiya?
7 Ino Bbaibbele lyakasinsima nzi kujatikizya mazuba ngotupona?
8 Sena Leza nguupa kuti bantu kabapenga?
9 Nkaambo nzi bantu ncobapenga?
10 Ino Bbaibbele lisyomezya nzi kujatikizya ciyoocitika kumbele?
11 Ino ncinzi cicitika muntu afwa?
12 Ino mbulangizi nzi mbotukonzya kuba ambubo kujatikizya bafwide?
13 Ncinzi Bbaibbele ncolyaamba kujatikizya mulimo?
14 Mbuti mbomukonzya kulubelesya kabotu lubono lwanu?
15 Ino inga mwalujana buti lukkomano?
16 Mbuti mbomukonzya kuliyumya kupenzi lyakulibilika?
17 Mbuti Bbaibbele mbolikonzya kugwasya mukwasyi wanu?
18 Mbuti mbomukonzya kuba acilongwe a Leza?
19 Ino makani nzi aali mumabbuku aasiyene-siyene aamu Bbaibbele?
20 Mbuti mbomukonzya kugwasyigwa kapati mukubala Bbaibbele?

MBOMUKONZYA KUJANA TUPANGO TWAMU BBAIBBELE

Ibbaibbele lijisi mabbuku masyoonto-syoonto aali 66. Lilaandaanizyidwe muzibeela zyobilo: Magwalo aa Chihebrayo a Chiaramu (“Cizuminano Cakaindi”) alimwi a Magwalo aa Chigiriki (“Cizuminano Cipya”). Bbuku limwi alimwi lyamu Bbaibbele lilijisi zyaandaano alimwi atupango. Ikuti kwabikkwa magwalo, inamba yakusaanguna kuzwa azina lyabbuku itondezya caandaano, mpoonya namba naa manamba aatobela atondezya kapango naa tupango. Mucikozyanyo, Matalikilo 1:1 caamba bbuku lya Matalikilo caandaano 1, kapango 1.