Coolwe Ncotujisi Cakuyaka Akubamba Masena Eesu Aabukombi Bwakasimpe

Kuyaka tempele lya Jehova kwakali kuyandika kubeleka canguzu alimwi amali manji. Nokuba boobo, bana Israyeli bakaubeleka mulimo ooyu cabusungu. (1Mak. 29:2-9; 2Mak. 6:7, 8) Noyakamana kuyakwa tempele, kwiibambulula ikwakali kucitwa abana Israyeli kwakatondezya mbobakali bayumu kumuuya naa mbobatakali bayumu. (2Bam. 22:3-6; 2Mak. 28:24; 29:3) Mazuba aano, Banakristo balabeleka canguzu kuyaka, kusalazya, alimwi akubambulula Maanda aa Bwami a Maanda Aakucitila Miswaangano Mipati. Aboobo, kubeleka a Jehova munzila eeyi ncoolwe cipati alimwi ncibeela camulimo wesu uusetekene.—Int. 127:1; Ciy. 7:15.

TULAKONZYA KUTOLA LUBAZU KWIINDA . . .

• 

  Mukusalazya wamana muswaangano uli woonse. Kuti kacitakonzyeki, amubwezelele tombe aawo mpomukkede.

• 

  Mukutola lubazu mukusalazya alimwi akubambulula Ŋanda ya Bwami ciindi aciindi. Kubelekela antoomwe kupa kuti mulimo uubaube alimwi akukkomanisya.—lv 92-93 munc. 18.

• 

  Mukugwasyilizya kwiinda mukubelesya lubono lwesu. Nokuba kusanga tukkobili tobilo ‘tujisi mpindu nsyoonto’ itwasangwa kuzwa ansi aamoyo tulamukkomanisya Jehova.—Mk. 12:41-44.

• 

  Mukulyaaba kuyaka alimwi akubambulula mayake mucitilwa milimo yabwami kuti bukkale bwanu kabuzumizya. Tamuyandiki kuti mane buya kamujisi luzyibo lwakuyaka pe.