CIIYO 1

Mbuti Mbotuswiilila Nzyaamba Leza?

Leza ulabandika andiswe kwiinda mu Bbaibbele. 2 Timoteyo 3:16

Kali acuuno cakwe ca Bwami kujulu, Jehova wasololela baalumi kulemba Bbaibbele

Leza wakasimpe wakaambila bantu kuti balembe mizeezo yakwe mubbuku lisetekene. Bbuku eelyo ndi Bbaibbele. Lijisi twaambo tuyandika kapati Leza ntwayanda kuti muzyibe.

Leza ulizyi nzyotuyandika alimwi ngokasensa kabusongo. Ikuti mwamuswiilila, mulakonzya kuba basongo.—Tusimpi 1:5.

Bbaibbele mumyaambo minji; mwaalumi ubala Bbaibbele mumwaambo wakwe

Leza uyanda kuti bantu boonse munyika balibale Bbaibbele. Mazuba aano lilajanika mumyaambo minji.

Kuti kamuyanda kumuswiilila Leza, mweelede kubala akulimvwisya Bbaibbele.

Nyika yoonse bantu balaswiilila. Matayo 28:19

Kamboni wa Jehova ubalila mwaalumi lugwalo, mpoonya watalika kwiiya Bbaibbele anguwe

Bakamboni ba Jehova balakonzya kumugwasya kulimvwisya Bbaibbele.

Munyika yoonse balayiisya kasimpe kajatikizya Leza.

Muswaangano a Ŋanda ya Bwami ya Bakamboni ba Jehova

Tamweelede kubbadela buya kutegwa mwiiye. Alimwi mulakonzya kwiiya kujatikizya Leza ku Ŋanda ya Bwami ya Bakamboni ba Jehova iili afwaafwi ankomukkala.