Bubumbo Buyumya Lusyomo Lwesu Mubusongo bwa Jehova

Sena Jehova lyoonse ulizizyi zintu zikonzya kutugwasya? Inzya! Kutondezya kuti tulakasyoma kaambo aaka, tulabutobela busolozi bwakwe. (Tus. 16:3, 9) Nokuba boobo, tulasunkwa kutobela busolozi bwakwe ciindi mizeezo yesu noyaindana amizeezo yakwe. Tulakonzya kuyumya lusyomo lwesu mubusongo bwa Jehova kwiinda mukuzinzibala kuyeeya zilenge zyakwe.—Tus. 30:24, 25; Rom. 1:20.

AMWEEBELELE KAVIDIYO KAKUTI SENA CAKALENGWA BUYA? INO TUNYENYENE TUCIKONZYA BUTI KWEENDA KAKUNYINA KUPANGA TULAFIKI? MPOONYA MWIINGULE MIBUZYO IITOBELA:

• Ino tunyenyene tunji tucita nzi abuzuba?

• Ino tucikonzya buti kweenda kakunyina kupanga tulafiki?

• Ino ncinzi bantu ncobakonzya kwiiya munzila mbotweenda tunyenyene?

AMWEEBELELE KAVIDIYO KAKUTI SENA CAKALENGWA BUYA? MBOYUULUKA NZUKI IITEGWA BUMBLEBEE, MPOONYA MWIINGULE MIBUZYO IITOBELA:

• Ino mbuyumuyumu nzi mbobajana bantu ciindi nobeenzya tundeke tusyoonto?

• Mbuti nzuki eeyi mboicikonzya kuuluka kakunyina kutonkwa amuwo uulaanguzu?

• Mbuti bantu mbobakonzya kuyoogwasyigwa kumbele abusongo bwanzuki eeyi?

Ino mbumboni nzi bwabusongo bwa Jehova mbomwabona muzilenge zyakwe kubusena nkomukkala?