Sena Ndililibambilide?
Sena Ndililibambilide Kukambauka Ambungano?
Mulakonzya kweelela kuba sikumwaya uutanabbapatizyigwa ikuti . . .
Kamubala Bbaibbele lyoonse, kupaila alimwi akujanika kumiswaangano yambungano.
Kamuziyanda akuzisyoma nzyomwiiya alimwi kamuyanda kwaambila bamwi kujatikizya nzizyo.
Kamumuyanda Jehova alimwi akusala baabo ibamuyanda Jehova kuba balongwe banu beni-beni.
Mwakazwa alimwi akucileka kuzulilwa kunkamu iili yoonse yatwaambo twacisi naa mbunga yabukombi bwakubeja.
Kamupona kweelana azyeelelo zya Jehova alimwi mulayanda kuba umwi wa Bakamboni ba Jehova.
Ikuti naa mulimvwa kuti muleelela kutalika kukambauka antoomwe ambungano, ooyo ngomwiiya limwi Bbaibbele uyoopanga bubambe kutegwa mukaswaangane abaalu akubandika ambabo kujatikizya mbomukonzya kweelela.
Sena Ndililibambilide Kubbapatizyigwa?
Mulakonzya kweelela kubbapatizyigwa ikuti . . .
Kamuli sikumwaya uutanabbapatizyigwa.
Kamutola lubazu lyoonse mumulimo wakukambauka kusikila mpomugolela.
Kamumugwasyilizya “muzike uusyomeka alimwi uucenjede” akutobela busolozi bwakwe.—Matayo 24:45-47.
Mwakalyaaba kuli Jehova mumupailo alimwi mulayanda kumubelekela mane kukabe kutamani.
Ikuti naa mulimvwa kuti muleelela kubbapatizyigwa, ooyo ngomwiiya limwi Bbaibbele uyoopanga bubambe kutegwa mukaswaangane abaalu akubandika ambabo kujatikizya mbomukonzya kweelela.