Cintu Ncomuteelede Kwiindwa

Busiku katanaaba buumi bwakwe, Jesu wakalailila basikwiiya bakwe ibasyomeka kuti kabayeeya naa kwiibaluka lufwu lwakwe. Kwiinda mukubelesya mukamu uunyina bumena alimwi awaini, wakatalisya Mulalilo wa Mwami alimwi wakaamba kuti: “Kamucita oobu lyoonse kundiibaluka.”—Luka 22:19.

Mwaka amwaka, Bakamboni ba Jehova nyika yoonse balabungana kwiibaluka lufwu lwa Jesu mubuzuba bweendelana abuzuba mbwaakafwa. Mwaka uno wa 2014, Ciibalusyo cinooli mu Muhulo, April 14, lyaakubbila zuba.

Twamutamba kuyoojanika kumuswaangano ooyu kwalo ikuyoobandikwa makani aamwi kujatikizya mboluyandika lufwu lwa Jesu. Takuyandiki kubbadela kutegwa mukajanike kumuswaangano ooyu. Takukainzyigwi mbale yakulombelela mali. Imuntu wamupa magazini eeyi inga wamwaambila ciindi alimwi abusena Ciibalusyo nkociyoocitilwa, alimwi mulakonzya kulanga a Web site yesu ya jw.org. Amucibikke mumizeezo ciyoocitika eeci kutegwa mutakaindwi.