Kwiinduluka Kwamu Cikolo Camulimo Weendelezyegwa a Leza

Mibuzyo iitobela iyoobandikwa mu Cikolo Camulimo Weendelezyegwa a Leza munsondo iitalika mu June 28, 2010. Mulangizi wacikolo uyooendelezya mubandi wakwiinduluka wamaminiti aali 20 kujatikizya makani aakabandikwa kuzwa munsondo iitalika mu May 3 kusikila mu June 28, 2010.

1. Ino ncinzi ncotukonzya kwiiya notubala makani aajatikizya Davida mbwaakamulila Abineri? (2 Sam. 3:31-34) [w05 7/1 p. 9; w06 8/1 p. 15 minc. 9-10]

2. Ino ncibi nzi ncaakacita Natani, alimwi ino nkaambo nzi Jehova ncaatakamugusya amulimo wabusinsimi? (2 Sam. 7:3) [rs-CN p. 34 munc. 1]

3. Ino lugwalo lwa 2 Samuele 7:14 lwakazuzikizyigwa buti? [w07 8/1 p. 23 munc. 6; it-1 p. 273 munc. 3; it-2 p. 818 munc. 2]

4. Ino mbuti nzyaakacita Davida kuli Mefibosete mbozitondezya kuti wakamufwida luzyalo, alimwi ino eeci citujatikizya buti? (2 Sam. 9:7) [w05 5/15 p. 17; w02 6/1 p. 16 munc. 5]

5. Ino nciiyo nzi ncotukonzya kwiiya kukumvwana kwakali akati ka Itai mu Giti a Mwami Davida? (2 Sam. 15:19-22) [w09 5/15 p. 26]

6. Kwiinda mukubelesya Magwalo, ino mbuti mbotukonzya kutondezya kuti kutamikizya Mefiboseti nkwaakacita Ziba kwakali kwakubeja? (2 Sam. 16:1-4) [w02 3/1 p. 10 munc 11, bupanduluzi buyungizyidwe]

7. Ciindi Davida naakalomba Barizilai iwakajisi myaka yakuzyalwa iili 80 kuti akabeleke munkuta yakwe, ino nkaambo nzi Barizilai ncaakasala Cimamu kuti aucite nguwe mulimo? (2 Sam. 19:33-37) [w07 6/1 p. 27 munc. 13]

8. Ino mbuti kulibombya kwa Jehova mbokwakapa kuti Davida asumpulwe? (2 Sam. 22:36) [w04 2/1 p. 3 munc. 2; w04-CN 11/1 p. 29]

9. Ino nkaambo nzi Adonija ncaakali kuyanda kubweza bwami kakuli Davida wakacili muumi? (1 Bam. 1:5) [w05 8/1 pp. 28-29]

10. Ino nkaambo nzi Jehova ncaakaingula mupailo wa Solomoni naakalomba maano? (1 Bam. 3:9) [w05 8/1 p. 30 munc. 2]