Sena Jesu Wakali Buyo Muntu Uuli Kabotu?

Bwiinguzi bwamu Bbaibbele

Jesu tanaakali buyo muntu uuli kabotu. Muciindi caboobo, wabajatikizya kapati bantu kuzwa kaindi. Amubone basikulemba zyansiku balaampuwo kapati abalembi bamwi nzyobakaamba kujatikizya Jesu:

“Jesu waku Nazareta . . . ngomuntu uuzyibidwe kapati kuzwa kaindi.”​—H. G. Wells, sikulemba zyansiku waku England.

“Buumi bwa Jesu bwabajatikizya kapati bantu anyika iino alimwi bantu banji bazumanana kujatikizyigwa.”​—Kenneth Scott Latourette, sikulemba zyansiku waku America alimwi mulembi wamabbuku.

Ibbaibbele lilatondezya ikaambo Jesu ncaabajatikizya bantu banji kwiinda muntu uuli woonse wakaponede. Ciindi Jesu naakabuzya basikumutobela ibakali balongwe bakwe kuti naa bakali kuyeeya kuti nguni, umwi wambabo wakaingula kabotu kuti: “Nduwe Kilisito, Mwana wa Leza muumi.”​—Matayo 16:16.