Dios kamalakgsputulh kristianos tiku lixkajni xtayatkan
18 Xkaman Adán lhuwankgolh. Nachuna lu nitlan likatsikgolh. Dios lakapastakli nakamalakgsputu (Génesis 6:1, 5, 7).
19 Pero xlama chatum xatlan chixku xwanikan Noé (Génesis 6:8, 9).
Dios Jehová wanilh katlawalh akgtum lanka barco xlakata Noé chu xfamilia xlakgtaxtukgolh, akxni xkamalakgsputuka tiku lixkajni xtayatkan. Uma barco la akgtum lanka kajun xwanit. Xwanikan arca (Génesis 6:13, 14).
20 Tamaknukgolh tanlhuwa animales kʼarca (Génesis 6:19-21).
21 Jehová makamilh akgtum lanka sen. Putum kristianos tiku lixkajni xtayatkan nikgolh. Tiku xtanumakgolh kʼarca lakgtaxtukgolh. ¿Katsiya wix tuku xlakata? (Génesis 6:17; 7:11, 12, 21; 1 Pedro 3:10-12.)