La tlan kinkalakgmaxtukanan ktalakgalhin chu klinin

35 ¿Lakapastaka pi Adán xapulana chixku, lakgalhinalh? Xla makgatsankgalh xlatamat chu na makgatsankgalh xakalipaxaw Katiyatni, chu putum akinin nachuna niyaw, xlakata akinin xkamanan (Romanos 5:12; 3:23).

36 Komo chatum chixku tiku ni kgalhiy talakgalhin, xmakamastalh xlatamat kinpalakatakan, chu xkinkalakgmaxtun klinin, tlan xmakgamakglhtinamparaw latamat nema ni kgalhiy talakgalhin (1 Corintios 15:45; Romanos 5:19, 21).

37 Jesús xKgawasa Dios xwanit. Chatum chixku tiku ni xkgalhi talakgalhin (Hebreos 5:9; 7:26).

38 Tamastalh kamakgnikgolh kristianos tiku ni xpaxkikgoy Dios (Hechos 2:23). Uma wanputun tamakamastalh kimpalakatakan (1 Timoteo 2:6).

39 Jesús maknuka kʼakgtum klhuku o putaknun. Akgtutu kilhtamaku xninit. Chu Dios malakastakwanilh (Hechos 2:24).

40 Xla taspitpa, kʼakgapun. Chu uku tlan skini Dios tamakgtay xlakata wantiku kgalhakgaxmatnikgoy Dios (Hebreos 9:24; 1 Juan 2:1, 2).