Natlatni

¿Tuku tlakg xatlan tamaskiwin tlan nakamaxkiya minkamanan? Xlakan lhuwa tuku maklakaskinkgo, la tapaxkit, nakapulalipina chu nakakuentajtlawaya. Pero, nakatsikgo xtakatsin Jehová chu xaxlikana nema wi kxTachuwin, Biblia, wa tuku tlakg tlan nakamaxkiya (Juan 17:3). Uma nakamakgtaya xlakata napaxkikgo Jehová chu xliputum xnakujkan naskujnikgo maski laktsujku (Mateo 21:16).

Lhuwa natlatni akxilhkgonit pi tlakg katsinikgo kamanan akxni ni lhuwa tuku kamasiyanikan chu ni lhuwa tuku kamatlawikan. Wa xlakata, lu lipaxuw kkamaxkiyan uma likgalhtawakga, Tuku kkatsinima xalak Biblia. Xlakata ni laktuwa tuku limin lu nakamakgtaya natlatni xlakata nakamasiyanikgo xkamanan. Dibujos chu tuku lichuwinan tlawaka xlakata nakalimasiyanikan kamanan tiku kgalhikgo akgtutu kata o nina chan. Nachuna, limin tuku tlan nakamatlawikan. Uma folleto ni xlikgamankan kamanan. Wata tlawaka xlakata akxtum nakatalikgalhtawakgaya minkamanan chu tlakg nalatachuwinanatit.

Liwana kkatsiyaw pi uma likgalhtawakga nakamakgtayayan nakamasiyaniyatit minkamanankan tuku xlikana masiya Biblia lata akxni “lakgskgatanku” (2 Timoteo 3:14, 15).

Minatalan,

Lakgkgolotsin tiku Pulalinkgo xTatayananin Jehová