Tapakuwit nema malankinan
¿Xlilat pi kstalaninanin Cristo nalimaklakaskinkgo tukuwani nema nalimalanki achatum lataman?
Liʼakxilhtit xalak Biblia:
Lu 18:18, 19. Maski Jesús tlan xlikatsi, ni mastalh talakaskin pi xwanika «Makgalhtawakgena tiku tlan likatsi», chu chuna limasiyalh pi kajwatiya Jehová tiku tlan likatsi.
¿Tuku xlakata kstalaninanin Cristo ni maklakaskinaw tukuwani nema nalimalankiyaw chatum tiku pulalima akgtum takanajla la komo «padre» o atanu tukuwani nema limasiya pi wa kimpuxkukan?
Liʼakxilhtit xalak Biblia:
Mt 23:9-12. Jesús ni mastalh talakaskin pi latamanin xkalimapakuwika «tlat» o «pulalina».
1Co 4:14-17. Maski natalan xliʼakxilhkgo apóstol Pablo la chatum tlat, ni xwanikgo «kintlatkan Pablo» o atanu tuku xlimalankikgolh.
¿Tuku xlakata kstalaninanin Cristo laliʼakxilhkgo la linatalan chu lawanikgo «tala»?
Na kaʼakxilhti Hch 12:17; 18:18; Ro 16:1.
Liʼakxilhtit xalak Biblia:
Mt 12:46-50. Jesús liwana limasiyalh pi putum tiku nakakninanikgo Jehová, xnatalan nalitaxtukgo.
¿Tuku likatsiyaw pi kstalaninanin Cristo tlan nakalimapakuwikgo makgapitsi tukuwani latamanin tiku kgalhikgo limapakgsin?
Liʼakxilhtit xalak Biblia:
Hch 26:1, 2, 25. Akxni apóstol Pablo katachuwinalh mapakgsinanin Agripa chu Festo, kamapakuwilh chuna la xkalilakgapaskan.