Tataktujut
¿Tuku lakpuwan Jehová xlakata tiku taktujukgo chu tiku lanka kamakgkatsikan?
Sl 138:6; Pr 15:25; 16:18, 19; 22:4; 1Pe 5:5
Na kaʼakxilhti Pr 29:23; Is 2:11, 12.
Liʼakxilhtit xalak Biblia:
2Cr 26:3-5, 16-21. Mapakgsina Uzías lu lanka makgkatsika, lakatsalalh xLimapakgsin Dios chu sitsilh akxni stakyawaka; wa xlakata Dios limalakgaxokgelh lepra.
Lu 18:9-14. Jesús wililh akgtum liʼakxilhtit xlakata namasiya tuku lakpuwan Jehová akxni tlawakgo oración tiku lanka kamakgkatsikan chu tiku taktujukgo.
¿La akxilha Jehová tiku taktuju chu nitlan limakgkatsi tuku tlawanit?
2Cr 7:13, 14; Sl 51:2-4, 17
Liʼakxilhtit xalak Biblia:
2Cr 12:5-7. Mapakgsina Rehoboam chu príncipes xalak Judá ni kamalakgsputuka xlakata taktujukgolh kxlakatin Jehová.
2Cr 32:24-26. Maski Ezequías tlan mapakgsina xwanit, milh kilhtamaku lanka makgkatsilh; pero alistalh taktujulh chu Jehová tapatilh.
Akxni taktujuyaw, ¿la kinkamakgtayayan tlan nakatalalinaw amakgapitsin?
Ef 4:1, 2; Flp 2:3; Col 3:12, 13
Liʼakxilhtit xalak Biblia:
Gé 33:3, 4. Xlakata Jacob limasiyalh tataktujut tlan talakkaxlalh xtala Esaú, tiku lu ksitsini.
Jue 8:1-3. Gedeón limasiyalh tataktujut chu kawanilh lakchixkuwin xalak Efraín pi xlakan tliwakga xwankgonit nixawa xla. Chuna nialh sitsikgolh chu sputli taʼakglhuwit.
¿La limasiyalh Jesús pi lu xlakaskinka nataktujuyaw?
Mt 18:1-5; 23:11, 12; Mr 10:41-45
Liʼakxilhtit xalak Biblia:
Is 53:7; Flp 2:7, 8. Chuna la xlichuwinankanit, Jesús taktujulh chu xatapaxuwan milh kKatiyatni maski xkatsi pi xʼamaka makgnikan.
Lu 14:7-11. Jesús lichuwinalh pi niku wi lanka taway, latamanin laksakkgo tlakg xlakaskinka laktawilh chu masiyalh pi lu xlakaskinka nataktujuyaw.
Jn 13:3-17. Jesús kawilinilh tlan liʼakxilhtit kstalaninanin xlakata taktujukan akxni katuchakgelh xʼapóstoles, taskujut nema kajwatiya xtlawakgo lakskujnin.