Tuku tlawa pi ni lakxtum nakinkaliʼakxilhkanan
¿Tlakg xlakaskinka kaʼakxilha Dios latamanin tiku tlakg kgalhikgo tumin, tiku lakachinkgonit klaklanka kachikinin o tlakg tlan familia kgalhikgo?
Hch 17:26, 27; Ro 3:23-27; Gál 2:6; 3:28
Li’akxilhtit xalak Biblia:
Jn 8:31-40. Makgapitsi judíos xlitalankikgo xlakata xkamanan Abrahán xwankgonit, pero Jesús kakilhnilh xlakata ni kstalanimakgolh xliʼakxilhtit Abrahán.
¿Xlilat nalakpuwanaw pi tlakg tlan kinkachikinkan nixawa amakgapitsin?
Li’akxilhtit xalak Biblia:
Jon 4:1-11. Jehová masiyanilh Jonás pi xkalakgalhamalh ninivitas maski ni xtachikikan xwankgonit.
Hch 10:1-8, 24-29, 34, 35. Apóstol Pedro katsinilh pi Dios kamakgamakglhtinan tiku ni judíos litaxtukgo, wa xlakata makgtayalh Cornelio chu xfamilia xlakata kstalaninanin Cristo xlitaxtukgolh. Xlakan wa xapulana kstalaninanin Cristo litaxtukgolh tiku ni judíos xwankgonit.
¿Xlilat pi kstalaninanin Cristo tiku tlakg kgalhikgo tumin nakgalhkgalhikgo pi tlakg tlan nakalikatsinikan o tlakg lanka namakgkatsikgo nixawa amakgapitsin?
Na kaʼakxilhti Dt 8:12-14; Jer 9:23, 24.
Komo chatum tala kgalhi akgtum talakgatay kcongregación, ¿wamputun uma pi tlakg xlakaskinka litaxtu nixawa amakgapitsin chu pi xlilat tliwakga nawili xlimapakgsin?
Li’akxilhtit xalak Biblia:
Dt 17:18-20. Jehová wa pi mapakgsinanin xalak Israel ni tlakg lanka xlimakgkatsitkan nixawa amakgapitsin israelitas, tiku la xnatalan xlitaxtukgo.
Mr 10:35-45. Jesús kastakyawalh x’apóstoles xlakata xlakaskimakgo akgtum xlakaskinka talakgatay (na kaʼakxilhti nota de estudio xaʼespañol, Traducción del Nuevo Mundo, Mr 10:42 «dominan al pueblo»).
¿Tiku kamakgamakglhtinan Jehová?
¿Xlilat pi kstalaninanin Cristo nalakgpaliputunkgo limapakgsin nema anan kxkachikinkan akxni makgkatsikgo pi nitlan kalikatsinimaka latamanin?
Li’akxilhtit xalak Biblia:
Jn 6:14, 15. Maski lhuwa latamanin xlakaskinkgo pi Jesús xlakkaxtlawalh taʼakglhuwit nema x’anan kkachikin chu mapakgsina xtlawaputunkgo, xla ni lakaskilh.