Takaknin
¿Tiku kajwatiya lakgchan nakakninaniyaw?
Éx 34:14; Dt 5:8-10; Is 42:8
Liʼakxilhtit xalak Biblia:
Mt 4:8-10. Satanás malaknunilh Jesús lhuwa tamapakgsin xalak Katiyatni komo xkakninanilh maski kaj makgtum, pero Jesús lakgmakgalh tuku xwanimaka chu wanilh pi kajwatiya Jehová xʼama kakninani.
Ap 19:9, 10. Chatum lu tliwakga ángel ni mastalh talakaskin pi apóstol Juan xkakninanilh.
¿La lakaskin Jehová pi kakakninaniw?
Liʼakxilhtit xalak Biblia:
Is 1:10-17. Jehová kalakgmakgan tiku kakninanikgo komo lakgaputiyunankgo chu ni makgantaxtikgo xlimapakgsin.
Mt 15:1-11. Jesús wa pi Jehová ni makgamakglhtinan takaknin nema takilhtiya kxtalismaninkan latamanin.
¿Tiku makxtum nakatakakninaniyaw Jehová?
Na kaʼakxilhti Sl 133:1-3.
Liʼakxilhtit xalak Biblia:
Hch 2:40-42. Kxapulana siglo, natalan xlismanikgo makxtum xtawilakgo, xkgalhtawakgakgo chu xtlawakgo oración.
1Co 14:26-40. Apóstol Pablo wa pi, xlakata natalan xlitamakgtayakgolh tamakxtumit chu xʼakgatekgskgolh, xtalakaskin liwana xlakkaxwilika tuku xmasiyaka chu xtalakaskin xmakgpuwantininalh.
¿La nalikatsiyaw komo Jehová makgamakglhtinan kintakakninkan?
Liʼakxilhtit xalak Biblia:
Heb 11:6. Apóstol Pablo lichuwinalh pi talakaskin nakgalhiyaw takanajla xlakata Jehová namakgamakglhtinan kintakakninkan.
Snt 2:14-17, 24-26. Santiago, xtutala Jesús, lichuwinalh pi komo kgalhiyaw takanajla na talakaskin nakgalhiyaw laktlan tatlaw.