Tuku xʼama la nema lu xlakaskinka
«Na xapulh taliʼakgchuwinanit nawan xlikatlanka nkatuxawat yuma xatlan tamakatsinin xla tapakgsin; lakimpi paks nakgaxmatkgoy [...]; akxniku nchu nachin xlikgatsputni nkatuxawat.» (MATEO 24:14)
TIKU kgalhtawakgakgo xlakata takanajla wankgo pi pulaktiy tuku lu xlakaskinka lichuwinan uma versículo. Pulana, tuku natatlawa xlikalanka Katiyatni. Xlipulaktiy, wan pi kstalaninanin Cristo xlichuwinatkan «xatlan tamakatsinin xla tapakgsin», uma xʼama tatlawa akxni nina chin nawan tuku nalakgpali kakilhtamaku: “lisputni” nema lichuwinalh Cristo.
Tuku lichuwinan Mateo 24:14 kgantaxtuma la uku. Wa «xatlan tamakatsinin» lu xlakaskinka kkilatamatkan, xlakata kinkawanimakan tuku ni kilitlawatkan chu ni nalakgmakganaw xTamapakgsin Dios. Wantuku natlawayaw tlan nalimakglhtinanaw latamat o linin.
Kaʼakxilhwi atanu texto nema nakinkamakgtayayan nakatsiyaw tuku xwamputun Jesús. Akxni nialh makgas xtsankga namakgnikan, xtamakgalhtawakgen kgalhskinkgolh xlakata tuku aku xʼama la. Xkatsiputunkgo tukuya kilhtamaku xʼama min xTamapakgsin Dios, nema Jesús lu lhuwa xlichuwinanit. Na xkatsiputunkgo «akxni nasputa kakilhtamaku» (Mateo 24:3, NM).
Jesús pulana kawanilh tuku nitlan xʼama la. Akxni nina xmilh lisputni xʼama anan laklanka guerras, tatsinkstat, tajatat chu lu xʼama tachiki tiyat nema masputunan. Nachuna tlakg xʼama taliwaka tiku katlawanikgo tuku nitlan amakgapitsin, tiku pulalinkgo takanajla ni xkamasiyanikgolh latamanin tuku xaxlikana chu ni xkaʼaxilhputunka xaxlikana kstalaninanin Cristo (Mateo 24:4-13; Lucas 21:11).
Pero na kamaxkilh xatlan tamakatsin, chu lichuwinalh tuku wan Mateo 24:14. Siglos nema titaxtulha lhuwa lakchixkuwin chu lakpuskatin tlakg katsiputunkgo xlakata uma chuna kamaxkinit takgalhkgalhin. Pero lhuwa ni katsikgo tuku wamputun uma texto nema lu xlakaskinka asta la uku. Wa xlakata artículos nema aku mima nakgalhti umakgolh takgalhskinin: ¿Tuku wamputun xatlan tamakatsin? ¿Tuku kilhchanima xTamapakgsin Dios? ¿Tukuya kilhtamaku chu la nakgantaxtu uma tuku lichuwinanka nema aku nala? ¿Tuku kilhchanima lisputni?
[Epígrafe xla página 2]
Xla libro Facsimile of the Washington Manuscript of the Four Gospels in the Freer Collection (1912)
[Epígrafe xla página 2]
CÓDICE WASHINGTONIANO DE LOS EVANGELIOS (FACSÍMIL). MATEO 24:14 NEMA TLAKG TASIYA