TAKGALHSKININ XLAKATA BIBLIA

¿Tuku xtukuwani Dios?

Putum kifamiliajkan kgalhikgo akgtum tukuwani. Asta animales nema kakgalhikan kchiki na kgalhikgo xtukuwanikan. ¿Ni xlikana pi Dios na xlikgalhit xtukuwani? Anta kBiblia pulaklhuwa tuku lilakgapaskan Dios, makgapitsi wa umakgolh tiku kgalhi xliputum litliwakga, Malana tiku lakgchan namapakgsinan chu Malakatsukina. Pero xla na kgalhi akgtum xtukuwani. (Kalikgalhtawakga Isaías 42:8.)

Kmakgapitsi Biblia wi xtukuwani Dios anta kSalmo 83:18. Akgtum liʼakxilhtit, anta Salmos Ixtatlincan Ti Talipawan Dios wan: «Jehová mintukuwini. Wata wix Dios xala talhman, ti mapakgsinan nak ixlitilanka katiyatni».

¿Tuku xlakata namaklakaskinaw xtukuwani Dios?

Dios lakaskin kamaklakaskiw xtukuwani. Akxni katachuwinanaw kiʼamigoskan kalimapakuwiyaw xtukuwanikan. Nachuna kilitlawatkan akxni tachuwinanaw Dios. Chu Jesucristo kinkawanin pi kamaklakaskiw xtukuwani Dios. (Kalikgalhtawakga Mateo 6:9; Juan 17:26.)

Xlakata kiʼamigojkan nawan Dios ni kaj talakaskin nakatsiyaw xtukuwani. ¿La likatsi Dios? ¿Tlan natalakatsuwiniyaw? Xtakgalhtin umakgolh takgalhskinin natekgsa kBiblia.