LICHUWINAN TUKU WI KXMAKNI REVISTA: MOISÉS LU TLAN LIʼAKXILHTIT
¿Tiku xwanit Moisés?
¿Tuku lakpuwana akxni kgaxpata xtukuwani Moisés?
Skgata tiku mujuka kcanasta chu matsekgka kkgalhtuchokgo wanikan Nilo.
Chatum kgawasa tiku makgastakli xtsumat faraón xalak Egipto tiku lhuwa tuku xkgalhi pero chuntiya xlakapastaka pi israelita xwanit.
Chatum mapuchwayanina tiku latamalh kMadián 40 kata.
Chixku tiku tachuwinalh Jehováa kʼaktsu kkiwi nema xliwi lhkuyat.
Tiku ni pekualh chu wanilh mapakgsina xalak Egipto xkamakgxtakgli israelitas xlakata nialh skujni xwankgolh.
Tiku makatsinilh faraón Pulakkaw tuku nitlan xʼama limin Dios kʼEgipto.
Chixku tiku kapulalilh israelitas akxni taxtukgolh kʼEgipto.
Tiku Dios limaklakaskilh xlakata xmapapitsilh xaSpinini pupunu.
Tiku kamaxkilh israelitas Pulakkaw xLimapakgsin Dios.
MOISÉS titaxtulh putum tuku lichuwinaw chu ni kajwatiya uma. Wa xlakata kstalaninanin Cristo, judíos chu musulmanes lu maxkikgo kakni uma chixku.
Xlikana pi Moisés chatum palakachuwina tiku tlawalh lhuwa tuku nila tamakanajla (Deuteronomio 34:10-12). Pero maski Dios chuna maklakaskilh kaj chatum chixku xwanit. «Kaj katiwa chixku xwanit xtachuna lantla nkin» xtachuna la palakachuwina Elías, tiku xtaya Jesús akxni kamalakawanilh kstalaninanin (Santiago 5:17, Hua Xasasti Talaccaxlan, 1999; Mateo 17:1-9). Moisés na kgalhilh lhuwa taʼakglhuwit nema kgalhiyaw uku pero tayanilh.
¿Katsiputuna la tlawalh? Kaʼakxilhwi pulaktutu lakwan tayat nema xkgalhi chu la nachuna natlawayaw.
a Biblia wan pi Jehová wa xtukuwani Dios.