TAKGALHSKININ XLAKATA BIBLIA

¿Tlan akgatekgskan Biblia?

Biblia xTachuwin Dios. La akgtum carta nema tsokga chatum tlat xapaxkina (2 Timoteo 3:16). Anta Dios kinkawaniyan la tlan namakgapaxuwayaw, tuku xlakata masta talakaskin kaʼanalh tuku nitlan chu tuku natlawa xpalakatakan latamanin nialh makgas kilhtamaku. Pero xlakata xpulalinanin takanajla lakgpalikgonit tuku masiya Biblia, lhuwa latamanin lakpuwankgo pi nikxni katiʼakgatekgskgolh (Hechos 20:29, 30).

Xlakata Jehová Dios lakaskin kakatsiw tuku xaxlikana xpalakata, kinkamaxkinitan maktum libro nema tlan akgatekgskan. (Kalikgalhtawakga 1 Timoteo 2:3, 4.)

¿Tuku namakgtayayan naʼakgatekgsa Biblia?

Jehová ni kajwatiya kinkamaxkinitan Biblia na kinkamaxkinitan tamakgtay xlakata naʼakgatekgsaw. Malakgachalh Jesús xlakata xkinkamasiyanin (Lucas 4:16-21). Akxni Jesús xlichuwinan tuku xwamputun Tatsokgni xmaklakaskin makgapitsi textos. (Kalikgalhtawakga Lucas 24:27, 32, 45.)

Jesús lakkaxwililh xcongregación xlakata chuntiya xtlawakgolh taskujut nema malakatsukilh (Mateo 28:19, 20). La uku, xaxlikana kstalaninanin Jesús xatapaxuwan kamakgtayakgo latamanin naʼakgatekgskgo tuku Biblia masiya xlakata Dios. Komo akgatekgsputuna, kakatachuwinanti xtatayananin Jehová. (Kalikgalhtawakga Hechos 8:30, 31.)