TAKGALHSKININ XLAKATA BIBLIA
¿Tlan nakinkatapatikanan kintalakgalhinkan?
Nituwa makgapaxuwakan Dios
Biblia wan pi putum akinin makglakgalhinanin. Kimputumkan kinkamatitaxtinin talakgalhin xapulana kintlatkan, Adán, wa xlakata makglakgalhinanaw. Wa xlakata, lakgachunin tlawayaw tuku nitlan chu nitlan limakgkatsiyaw akxni tlawanitawa. Jesucristo, xKgawasa Dios, mastalh xlatamat xlakata naxokgo kintalakgalhinkan. Xlakata nilh tlawalh pi nakinkatapatikanan kintalakgalhinkan. Uma tamakamastan xtamaskiwin Dios. (Kalikgalhtawakga Romanos 3:23, 24.)
Wilakgolh tiku tlawakgonit lanka talakgalhin chu akstu kakgalhskinkan komo namin kilhtamaku akxni Dios nakatapati. Lipaxuwayaw pi Biblia wan: «Na wa xkgalhni Jesucristo xKam nkinkalichakganiyan xlipaks nkintalakgalhinkan» (1 Juan 1:7). Chuna, Jehová xatapaxuwan tapatinan maski asta lanka talakgalhin tlawanitaw, pero talakaskin xliputum kinakujkan natalakgpaliyaw. (Kalikgalhtawakga Isaías 1:18.)
¿Tuku kilitlawatkan xlakata Dios nakinkatapatiyan?
Komo lakaskinaw pi Jehová nakinkatapatiyan, kililakgapasatkan: naʼakgatekgsaw la likatsi, xtastakyaw chu xlimapakgsin (Juan 17:3). Jehová xatapaxuwan katapati tiku talakgpalikgo chu nialh tlawakgo talakgalhin. (Kalikgalhtawakga Hechos 3:19.)
Nituwa makgapaxuwakan Dios. Xla katsi pi akinin makglakgalhinanin. Jehová tlan likatsi chu xalakgalhamana. ¿Ni xlikana pi uma tlawa pi tlakg nakatsiputuna la namakgapaxuwaya? (Kalikgalhtawakga Salmo 103:13, 14.)