Tuku ni milimakgatsankgat

Xaʼawatiya tsisni akxni nina xniy Jesús, kawanilh kstalaninanin pi xlakapastakkgolh xtamakamastan. Maklakaskilh kaxtalanchu nema ni kgalhi levadura chu vino tinto nema xwi kmesa, xlakata tlan xlilakkaxwililh tuku lilakgapaskan xaʼawatiya taway o xTaway Malana. Chu kawanilh: «Ankgalhin natlawayatit nakililakapastakatit» (Lucas 22:19).

Kata kata, xtatayananin Jehová ktamakxtumiyaw xlakata klakapastakaw akxni nilh. Uma kata naklakapastakaw lunes 14 xla abril, akxni tsankganita nawan Chichini.

Xatapaxuwan kkawaniyan pi kakilataʼaw ktamakxtumit niku nalichuwinankan la xlilakaskinka xtamakamastan Jesús. Ni katimatajika xlakata natanuya chu na ni pukinankan. Komo katsiputuna tuku hora chu niku natatlawa, kakgalhskinti tiku maxkin uma revista o kaʼakxilhti kʼIternet sitio, jw.org/jw-tot. Katsokgti tukuya kilhtamaku xlakata ni napatsankgaya. Lu tlan xwa pi xkilatatamakxtumiw.