Lhuwa nalakgtaxtukgo. ¿Na nalakgtaxtuya wix?

Biblia kinkamakatsiniyan pi lisputni lu nitlan nawan. Anta likgalhtawakgayaw: «Sampi naʼanan ntlanka takatsanajwat, wa ntu ni ukxni analh xtachuna asta akxni kxkilhtsukut katuxawat asta chu [...]. Na wa lapi wa yama nkilhtamaku, ni xmaktsuwikaj, tini xatin tachixkuwitat xlakgtaxtulh» (Mateo 24:21, 22). Pero na malaknu pi wi tiku nalakgaxtukgo: «Kakilhtamaku titaxtuma, [...] pero tiku tlawa xtalakaskin Dios putum kilhtamaku latama» (1 Juan 2:17).

¿Tuku kilitlawatkan xlakata nalakgtaxtuyaw? ¿Wi tuku kilimakitkan o atanu? Ni. Wa uma tastakyaw nema masta Biblia: «Wa lantla xlipaks yuma nkatuwaj, nalakgsputa, ¿ti nchixkuwin miliwanatkan, wa lantla xasantujlani mililatamatkan nakgalhiyatit, chu xkakninanin Dios nawanatit? [...] Nkgalhkgalhi[maw] namin xkilhtamaku Dios» (2 Pedro 3:10-12). Tuku pulana talichuwinan kʼuma texto kinkamakgtayan naʼakgatekgsaw xliputum tuku «nalakgsputa» kilhchanima mapakgsinanin xalak uma lixkajni kakilhtamaku chu putum tiku tatayakgo umakgolh tamapakgsin chu lakgmakgankgo xtamapakgsin Dios. Liwana tasiya pi maski lhuwa tuku namakiyaw ni kintikalakgmaxtun akxni namin lisputni.

Xlikana, tlan nalakgtaxtuyaw komo nalinaw kintayatkan chuna la lakaskin Dios chu ni namakgxtakgaw (Sofonías 2:3). Ni kakastalaniw latamanin xlakata ni kuenta tlawakgo pi lamaw kxaʼawatiya kilhtamaku, wata talakaskin “nakgalhkgalhiyaw pi namin xkilhtamaku Dios”. Xtatayananin Jehová tlan nalimasiyanikgoyan Biblia tuku militlawat xlakata tlan nalakgtaxtuya.