«Natalichuwinan xalakwan xalaksasti»
1. ¿La likatsiyaw pi nitu katimachokgolh la talichuwinama Dios?
1 Nitu, xlikana pi nitu katimalaktlawilh Jehová namakgantaxti tuku lakpuwanit natlawa (Isa. 14:24). Xtasiya pi Juez Gedeón chu 300 soldados nema xkataʼan nila xkatlajakgolh 135,000 soldados xalak Madián. Pero Jehová wanilh: «Xlikana nalakgmaxtuya Israel kxmakan madianitas. ¿Ni akit kmalakgachaman?» (Jue. 6:14). Chu la uku, ¿ktukuya taskujut kinkamakgtayaman Jehová? Jesús kgalhtinan: “Nataliʼakgchuwinan xlikatlanka nkatuxawat yuma xatlan tamakatsinin xla tapakgsin” (Mat. 24:14). ¡Niti katimachokgolh uma taskujut!
2. ¿Tuku xlakata liwana katsiyaw pi Jehová nakinkamakgtayayan kinchatunukan akxni lichuwinanaw xlimapakgsin?
2 Jehová kinkamakgtayayan kinchatunukan. Katsiyaw pi Jehová nakamakgtaya putum xkachikin pero ¿nakinkamakgtayayan kinchatunukan? Jehová makgtayalh apóstol Pablo akxni maklakaskilh tamakgtay, chu wa limakgtayalh xKgawasa Jesús (2 Tim. 4:17). Akinin na liwana kilikatsitkan pi Jehová nasikulunatlawa tuku tlawayaw kinchatunukan xlakata makgantaxtiputunaw Xtalakaskin (1 Juan 5:14).
3. ¿Tukuya kilhtamaku kinkamakgtayayan Jehová?
3 Putum tuku tlawaya chali chali, ¿makgatlakgwanan chu wa xlakata nialh lu lichuwinana Dios? Jehová «maxkima litliwakga tiku tlakgwanit» (Isa. 40:29-31). ¿Putsastalanipaka o ni maxkikana talakaskin nakakninaniya Jehová? «Para la tsinka takuka makglhkatsiya mintalipuwan y tu makgatuyiyan, kamaxki Kintikukan Dios, xla namakgtayayan xlakata tlan natalaya.» (Sal. 55:22.) ¿Makgkatsiya pi min kilhtamaku ni lipawana Dios? «Kapit, chu akit nakmachuwiniyan.» (Éxo. 4:11, 12.) ¿Kgalhiya tajatat nema tlawa pi nila nalichuwinana Dios? Jehová lu lanka xtapalh akxilha tiku xliputum xnaku skujni maski kaj tsinu tuku tlawa chu Jehová liwana limaklakaskin maski kaj tsinu tuku tlawayaw (1 Cor. 3:6, 9).
4. Komo liwana nalipawanaw Jehová, ¿tuku natlawayaw?
4 Xmakan Jehová «wa nema tastonkgnit, ¿chu tiku tlan namachokgo?» (Isa. 14:27). Xlakata lipawanaw pi Jehová nasikulunatlawa la lichuwinanaw xtachuwin, chuntiya “tliwakga nalichuwinanaw xpalakata kimPuchinakan” (Hech. 14:3).