Xtaskujut Dios kCentroamérica
1. ¿Tuku wamputun xputlaw Jehová, chu tuku na wamputun xlakata pulalima?
1 Anta kcapítulo 1 xla libro Ezequiel lichuwinan pi Jehová ama kʼakgtum lanka xputlaw xalak akgapun. Uma lu xalanka xputlaw nema kgalhi akgtati llanta wa matlawani espíritu santo chu tlan lakapala kaniwa niku naʼan. Uma putlaw wa litaxtu xkachikin Jehová xalak akgapun, wamputun pi wa Dios kapulalin xlakata kamatlawi tuku tlawakgo chu kalimaklakaskin xlakata namakgantaxti tuku lakpuwanit natlawa (Eze. 1:4-28).
2, 3. 1) ¿Tuku akxilhnitaw pi lama kkinkilhtamakujkan? 2) ¿Tuku likatsiyaw pi xkachikin Jehová makxtum wilakgo?
2 Lhuwa tuku lu tlan lama kkinkilhtamakujkan. Nina makgas, lhuwa tuku tsukulh talakgpali kxkachikin Jehová nema limasiya pi xputlaw xalak akgapun tatsuwima putum kilhtamaku, maʼaktsuwika kintamakxtumitkan xalak congregación, lakkaxwilika pi kaj makgapitsi sucursales natlawakgo likgalhtawakga, chu tlakg tsukuka limaklakaskinkan Internet, teléfono o atanu xlakata tlakg lakapala nakatachuwinankan natalan. ¡Lu lipaxuw xlakata akxilhmaw putum tuku lu tlan lama!
3 Palakachuwina Amós lichuwinalh pi xʼama min kilhtamaku akxni «kristianos kaniwa xalanin» makxtum xʼamakgo tawilakgo nema kalimapakwikanit xtukuwani Dios (Amós 9:11, 12; Hech. 15:15-17). Xlakata wa tapakgsinikgo Jehová wa xlakata makxtum wilakgo. Uma limasiya pi maski tanu tanu xcolorkan, tanu tanu tachuwin kgalhikgo o maski alakatanu wilakgo tlan latalalinkgo.
4, 5. ¿Tuku lakpuwankgolh natlawakgo Lakgkgolotsin tiku Pulalinkgo xTatayananin Jehová chu tuku xlakata?
4 Lakgkgolotsin tiku Pulalinkgo xTatayananin Jehová lakkaxwilimakgo pi makgapitsi sucursales nema wilakgo xlikalanka katiyatni nialh xakstukan katitlawakgolh putum xtaskujutkan. Chuna tatlawalh kCentroamérica, lakkaxwilikgolh pi sucursal xalak México wa napulalin xtaskujut Dios xalak Costa Rica, El Salvador, Guatemala, Honduras, Nicaragua chu Panamá, chuna la akglhuwata kata kapulalimaka xalak Belice. Wa xlakata malakchuwaka sucursales kʼakgchaxan países. Chu chuna kaj kMéxico napulalinkan taskujut.
5 Chuna tlawamaka xlakata kaj akgtum país wantiku napulalin putum taskujut kʼuma países. “Putum tiku kamalakatsuwima Jehová chu tlan tlawakgonit xlakata nakatamakglichuwinankgo xkachikin” chuntiya nakamaxkikan tamakgtay xlakata xtakanajlakan chuna la natalakaskin (Organizados, página 4; Sal. 145:21; Apo. 22:17). Nachuna, komo kaj lakatum niku nakapulalinkan, uma namakgtayanan xlakata tlakg liwana nakamaxkikan tuku namaklakaskintilhakgo, xlakata lu lakapala stakma xkachikin Dios. Chu nakinkamakgtayayan makxtum naskujnaniyaw Jehová.
6. Umakgolh kxaʼawatiya papaʼ, ¿tuku tlawamaka kCentroamérica?
6 Wa xlakata kjulio asta octubre kata 2010, kʼakgatunu países xalak Centroamérica nialh wa pulalinkgolh xtaskujutkan. Nachuna, makgapitsi natalan tiku kskujmakgo kʼuma ksucursales kamakaminka kBetel xalak México chu amakgapitsi kamalakgachaka xlakata namakglichuwinankgo Dios.
7. ¿Tuku pulana tlawakgo Lakgkgolotsin tiku Pulalinkgo xTatayananin Jehová xlakata tlan nalaksakkgo tuku natlawakgo?
7 Katlawaw chuna la kinkawaniyan Jehová. Putum tuku tlawamaka, pulana tlawaka oración chu liwana lakputsaka la natlawakan. Akgtum kilhtamaku, chatum tiku na lhuwa kata katatapakgsilh Lakgkgolotsin tiku Pulalinkgo xTatayananin Jehová xwanikan Milton G. Henschel wa: «¿Pi wilapa atanu takanajla kKatiyatni tiku pulana akxilhkgo tuku wan xTachuwin Dios akxni natlawakgo tuku lu xlakaskinka? Xlikana pi ni (kaʼakxilhti “Testimonio cabal”, página 111 asta 113, párrafo 10). Liwana katsiyaw pi putum kilhtamaku wa xʼespíritu santo Jehová tiku kapulalima.
8. ¿Tuku natlawakgo putum kskujnin Jehová xlakata nalimasiyakgo pi tatayakgo?
8 Tiku Pulalinkgo Sucursal xla akgatunu país xalak Centroamérica tatayakgo tuku tlawamakgo Lakgkgolotsin tiku Pulalinkgo xTatayananin Jehová, chu na katsikgo pi nachuna natlawakgo misioneros, superintendentes viajantes, precursores, lakgkgolotsin, siervos ministeriales chu putum tiku lichuwinankgo Dios. Xlikana, Jehová nakasikulunatlawa putum tiku tlawakgo tuku kamatlawi xputlaw Jehová xalak akgapun xlakata kgalhakgaxmatkgo tuku wankgo “puxku [o pulalinanin] kxtaskujut Dios” (Heb. 13:17).
9. ¿Tuku nakinkamakgtayayan xlakata nalakgapasaw kinatalankan xla umakgolh países?
9 Anta kmapas xalak página 8 asta 10 tasiya lu xlakaskinka taskujut nema tlawamakgo akgatunu país xlakata xtaskujut Dios. ¿Akxilhtita niku wi mila? Max naputsaputuna klibro Anuario de los testigos de Jehová la tasiya akgatunu país, latamanin tiku anta lamakgolh, la tsukulh talichuwinan Dios chu la talhuwilh xtatayananin Jehová kʼakgatunu país. Max tlan nalikgalhtawakgayaw uma akxni nakakninaniyaw Dios kfamilia. Komo tlakg nakalakgapasaw kinatalankan xalak uma países tlakg namakgkatsiyaw pi makxtum katawilaw kkintakanajlakan (Efe. 6:21; Fili. 1:12).
10. ¿Tuku tasikulunalin akxilhmaw la uku chu tuku talakaskin natlawayaw uku?
10 Xlakata wa Lakgkgolotsin tiku xPulalinkgo kxapulana siglo xkachikin Jehová lhuwa tasikulunalin limakglhtinankgolh (Hechos 16:4, 5). Lhuwa tuku kinkalimasiyaniyan pi kkinkilhtamakujkan nachuna lama. Akgtum liʼakxilhtit chatum superintendente viajante xalak Costa Rica wa: «Lu kkapaxtikatsiniyan xlakata lu tlan taskujut tlawapatit xlakata kamakgtayaman xʼespíritu santo Jehová. Tlakg ni tuwa chu lakapala la uku kmalakgachananaw informes, wi tuku kkgalhskininamputunaw chu akxni kchuwinanaw kBetel chu kcongregaciones. Lu tlan la limaklakaskimaw “tuku anan kkakilhtamaku” kmakgkatsi pi xkachikin Jehová kimakgtayama uma lu kimakgapaxuwa, xlikana pi putum uma wa tlawama Jehová» (Isa. 60:16). Achatum tala wa: «Lu tlan tamakgkatsi xlakata namakgtapakgsiyaw putum tuku talakgpalima. Kkawaniputunan pi lu tlan taskujut tuku tlawapatit xlakata maklakaskimpatit Internet o atanu. Tamakgkatsi la unu wilatit. Kmakgkatsiyaw pi ni makgat kwilaw wata makgkatsiya pi tlakg lakatsu kwilaw kxkachikin Dios, Jehová, nema pulalima».
11. ¿La tlan chuntiya makxtum natawilayaw akxni kakninaniyaw Jehová?
11 Xlakaskinka kaʼakxilhwi xlakata makxtum wilaw. Akxni xatapaxuwan mastayaw talakaskin pi wa nakinkapulalinan Jesucristo, “xpuxkukan putum nkanajlanin”, maski makgatna wilakgo sucursales, chuntiya “makxtum nalayaw kkintalakapastaknikan” chu tuku natlawayaw (Efe. 5:23; 1 Cor. 1:10). Liwana katsiyaw pi xputlaw Jehová xalak akgapun lhuwaku tuku nalakgpali kxkachikin chu lhuwa tuku tlan nakitaxtu kxtaskujut. Wa xlakata, chuntiya kamatliwakglhwi kintakanajlakan, makxtum kakakninaniw kajwatiya xaxlikana Dios, Jehová chu chuntiya kalipawaw chuna la kinkapulalinan «skujni xalipaw chu xaskgalala» (Mat. 24:45-47, Traducción del Nuevo Mundo).
[map on page 8]
MÉXICO
GUATEMALA
Ciudad de Guatemala
BELICE
Belmopan
HONDURAS
Tegucigalpa
EL SALVADOR
San Salvador
Managua
NICARAGUA
COSTA RICA
San José
PANAMÁ
Ciudad de anamá
COLOMBIA
Wa uma tuku xwi
asta 31 xla agosto kata 2010
Ciudad de México
GUATEMALA
Tiku lamakgo anta: 14,361,666
Circuitos: 25
Congregaciones: 401
Tiku lichuwinankgo Dios: 30,015
Precursores regulares: 3,179
Precursores especiales: 207
Misioneros: 30
EL SALVADOR
Tiku lamakgo anta: 5,835,231
Circuitos: 36
Congregaciones: 665
Tiku lichuwinankgo Dios: 37,337
Precursores regulares: 2,617
Precursores especiales: 280
Misioneros: 11
COSTA RICA
Tiku lamakgo anta: 4,509,392
Circuitos: 21
Congregaciones: 394
Tiku lichuwinankgo Dios: 26,043
Precursores regulares: 2,051
Precursores especiales: 92
Misioneros: 29
BELICE
Tiku lamakgo anta: 303,283
Circuitos: 2
Congregaciones: 49
Tiku lichuwinankgo Dios: 2,183
Precursores regulares: 308
Precursores especiales: 37
Misioneros: 9
HONDURAS
Tiku lamakgo anta: 8,175,763
Circuitos: 18
Congregaciones: 302
Tiku lichuwinankgo Dios: 19,009
Precursores regulares: 2,739
Precursores especiales: 194
Misioneros: 92
NICARAGUA
Tiku lamakgo anta: 5,727,000
Circuitos: 19
Congregaciones: 341
Tiku lichuwinankgo Dios: 22,848
Precursores regulares: 2,471
Precursores especiales: 215
Misioneros: 68
PANAMÁ
Tiku lamakgo anta: 3,504,483
Circuitos: 18
Congregaciones: 279
Tiku lichuwinankgo Dios: 13,225
Precursores regulares: 1,484
Precursores especiales: 171
Misioneros: 38
MÉXICO
Tiku lamakgo anta: 108,782,804
Circuitos: 557
Congregaciones: 12,339
Tiku lichuwinankgo Dios: 710,454
Precursores regulares: 92,049
Precursores especiales: 1,284
Misioneros: 5