Tamakatsin

◼ Likgalhtawakga nema namakgpitsikan febrero: folleto Biblia chu tuku lichuwinan. Marzo: libro ¿Tuku xlikana masiyay Biblia? Kalakapastakti namatsukiya takgalhtawakga xalak Biblia akxni xlimakgtumku kalakgpimpat. Komo tiku tachuwinampat kgalhiya libro, kamalaknuni maktum revista nema titaxtunita o maktum folleto nema nalakgati. Abril: Revista Makatsinina chu ¡Despertad! Komo tiku tachuwinampat masiya pi tlakg katsiputun kamaxki tratado ¿Katsiputuna tuku xaxlikana? chu kalakpuwanti nakalimakgalhtawakgeya. Akxni nalakgapaxialhnamparaya tiku ankgolh ktamakxtumit akxni lakapastakkan akxni tinilh Jesús o ankgo kaj makgapitsi tamakxtumit nema tatlawa kcongregación pero nina xtatayananin Jehová, kalakpuwanti nakalimakgalhtawakgeya libro ¿Tuku xlikana masiyay Biblia? Mayo: Tlan xʼamigo Dios nawana, Biblia chu tuku lichuwinan.

◼ Akxni titaxtunita nawan akxni lakapastakkan akxni tinilh Jesús natamasta akgtum taʼakgchuwin nema wanikan «¿Lhuwaku kilhtamaku tsankga?».

◼ Komo lakpuwampat napina alakatanu país chu ni min klista xaʼawatiya informe xla servicio xla akgatunu kata, o Anuario nema aku taxtulh ni limin dirección, kachuwinanti ksucursal xla mimpaís xlakata nakgalhskininana komo wi tuku kuenta militlawat o tuku talakaskin natlawaya, xlakata max kpaís niku napina ni mastakan talakaskin natalichuwinan xTamapakgsin Dios (Mat. 10:16). Max niku napina tlakg tlan ni nakaputsaya xTatayananin Jehová o congregaciones nema anta wilakgolh. Sucursal nawaniyan tuku militlawat, komo tlan nalipina makgapitsi likgalhtawakga xla xtatayananin Jehová o nalitachuwinana Dios tiku natatanokglha. Komo chuna natlawaya chu nakgalhakgaxmatnana, ni katikgalhi taʼakglhuwit chu ni katiwilini taʼakglhuwit xlakata xtaskujut Dios kpaís niku napina (1 Cor. 14:33, 40).