Las maravillas de la creación revelan la gloria de Dios

Lhuwa latamanin lakgatikgo akxilhkgo tuku malakatsukikanit. Pero, lhuwa ni katsikgo pi tuku akxilhkgo limasiya la lakapastaka chu la makgkatsi kiMalakatsukinakan (Rom. 1:20). Makgasa, David lakgapasli Jehová xlakata xlikgalhtawakga xTachuwin. Pero na «akxilhli» chu lakgtalakatsuwilh xlakata xʼakxilha tuku tlawanit (Sal. 8:3, 4). DVD nema wanikan Las maravillas de la creación revelan la gloria de Dios tlan nakinkamakgtayayan, nakamakgtaya kinkamanankan chu tiku kalimakgalhtawakgayaw Biblia xlakata tlakg nalakgapaskgo tuku anan, nakatsikgo la xtayat chu la likatsi xaLanka kiMalakatsukinakan chu tlakg tlan natalalinaw. Akxni naʼakxilhkgoya película, kalitsakgsa nakgalhtiya umakgolh takgalhskinin.

1) Akxni katsiyaw la xlilanka akgapun chu la kaxwilikanit, ¿la tlawa pi tlakg napaxkiyaw Jehová? (Isa. 40:26.) 2) Akxni liwana akxilhaw la tatlawanit chuchut, ¿tuku kinkamasiyaniyan xlakata Tiku Tlawalh? (Apo. 14:7.) 3) ¿Tuku kinkamasiyaniyan chuna la xlilanka Katiyatni chu la xlimakgat wi Chichini xlakata xliskgalala Jehová? 4) ¿Tuku xlakata tlawaka Papaʼ? (Sal. 89:37.) 5) ¿La kinkatlawan Jehová xlakata nalipaxuwayaw latamat? 6) ¿Tuku ADN? (Sal. 139:16.) 7) ¿Tuku litalakgpalikgo latamanin amakgapitsi xtamalakatsukin Jehová? (Gén. 1:26.) 8) ¿Tuku tlawaputuna kxasasti kakilhtamaku?

Extras: 9) ¿Tuku xlakata anankgo tanu tanu colores? 10) ¿La litawaka chuchut kiwi? 11) ¿La makgtaya chuchut kimaknikan? 12) Kalichuwinanti makgapitsi liʼakxilhti niku lamakgtaya xtamalakatsukin Jehová. 13) ¿La likatsikgo pi chuna xlitlawatkan? 14) ¿Tuku wamputun ángulo áureo chu la litasiya kxtamalakatsukin Jehová?

Liwana ka’akxilhwi xtamalakatsukin Jehová. Jesús kawanilh kstalaninanin pi xʼukxilhkgolh laktsu tsiktsi xalak akgapun chu xʼakxilhkgolh xanat xala kkapukuxtun (Mat. 6:26, 28). Komo chuna natlawayaw, natatliwakglha kintakanajlakan, nalipawanaw Jehová chu lanka xtapalh naʼakxilhaw xliskgalala, xlitliwakga nema kinkalilakgmaxtuyan chu xtapaxkit. Ni wa kaʼakxilhwi tuku masta uma kakilhtamaku, wata kalimaxtuw kinkilhtamakujkan chu kilitliwakgakan xlakata naʼakxilhaw tuku malakatsukinit Jehová chu kalakpuwaw tuku kinkamasiyanikgoyan xlakata kiDioskan (Sal. 19:1).