Tlakg kakatsini la nalichuwinana Dios: kakamasiyani tiku kamakgalhtawakgeya xlakata liwana nakgalhtawakgakgo

Tuku xlakata xlakaskinka. Xlakata tliwakga natawila xtakanajlakan, tiku kgalhtawakgama talakaskin nalimatsama xtalakapastakni chu xnaku tuku lu xlakaskinka masiya Biblia (Heb. 5:12–6:1). Xlikana, xlakata nalikgalhtawakgayaw Biblia kiliskujatkan, uma wamputun pi tuku katsiyawa chu tuku aku katsinimaw nakatsiyaw la namakgantaxtiyaw (Prov. 2:1-6). Xlakata tiku aku kgalhtawakgamakgolh natekgskgo xtakgalhtin xtakgalhskininkan, talakaskin nakatsikgo xakstukan nalakputsananikgo. Xlakata liskujkgo natlawakgo tuku katsinitilhamakgo nakamakgtaya natayanikgo taʼakglhuwit nema nakgalhikgo xlakata stalanimakgolh Cristo (Luc. 6:47, 48).