Tuku tlakg xlakaskinka tamasiyaputun

Xatapaxuwan kkamakatsiniyan pi kata 2015 tlawaka 49 clases xla Escuela xla Tiku lichuwinankgo xTamapakgsin Dios nema tatlawalh k36 sedes xlikalanka niku akxilha taskujut sucursal xalak Centroamérica. Asta la uku 1,100 kilakgonit kʼuma escuela chu kamalakgachaka k600 congregaciones niku ni lhuwa anan tiku lichuwinankgo Dios. Tlan namalakgatsamayatit akgtum solicitud komo makgatsiyatit tuku taskin chu pimputunatit kʼuma curso. Xlikana, tlakg xatlan takgalhtawakga wa nema masta Jehová (Is. 54:13).