TUKU LHUWA XTAPALH XALAK BIBLIA | NEHEMÍAS 9-11
Tiku ni makgxtakgnankgo tatayakgo xkachikin Dios
Lakkaxwilikgolh la tlan pulaklhuwa xʼamakgolh makgtayanankgo kxaxlikana takanajla:
10:28-30, 32-39; 11:1, 2
Kachikin Israel liwana kaxtlawakgolh tuku xʼama tamaklakaskin kpaskua xla Laktsu Chiki.
Chali chali xtamakxtumikgo xlakata xkgaxmatkgolh akxni xlikgalhtawakgakan xLimapakgsin Dios, chu lu lipaxuwakgolh.
Kachikin wankgolh xtalakgalhinkan, tlawakgolh oración chu skinkgolh xtasikulunalin Jehová.
Wankgolh pi chuntiya xʼamakgolh makgtayanankgo tuku xtlawalh xkachikin Dios.
Xlakata chuntiya xmakgtayanankgolh kxkachikin Dios xtalakaskin pi:
Kajwatiya xtatamakgaxtokgkgolh tiku kakninanikgo Jehová.
Xmastakgolh tumin.
Ni kskujkgolh sábado.
Xmastakgolh kiwi xlakata pumakamastan.
Xmaxkikgolh Jehová tuku pulana xtamakgala chu tuku pulana xlakachin xʼanimaleskan.