Tlakg kakatsini nalichuwinana Dios: Kamaklakaskinti libro «Katamakgxtakgtit kxtapaxkit Dios» xlakata nachipina knaku

TUKU XLAKATA XLAKASKINKA: Latamanin xlilakgapasatkan xlimapakgsin Jehová chu xlimakgantaxtitkan xlakata xla namakgamakglhtinan xtakakninkan (Is 2:3, 4). Libro «Kxtapaxkit Dios», xlimaktiy libro nema limakgalhtawakgenanaw, kamakgtaya na’akxilhkgo la xtastakyaw Dios tlan nakamakgtaya kxlatamatkan (Heb 5:14). Kiliskujatkan xlakata nachanaw xnakujkan tiku kamakgalhtawakgemaw, xlakata akxni wi tuku nalakgpalikgo, kxnakujkan nataxtuyacha (Ro 6:17).

LA NATLAWAYA:

• Liwana kalakkaxwili. Kalilakpuwanti tuku maklakaskin milimakgalhtawakget. Kakgalhskinti tuku lakpuwan xlakata tuku likgalhtawakgama xlakata nakatsiya tuku lakpuwan chu makgkatsi (Pr 20:5; be-S pág. 259).

• Kamaklakaskinti recuadros xlakata namakgtayaya milimakgalhtawakget na’akxilha pi lu tlan kitaxtu lilatamakan xtastakyaw Biblia.

• Kamakgtaya milimakgalhtawakget nalilakpuwan tuku xakstu xlilaksakat, pero ni wix kalaksakti tuku natlawa (Gál 6:5).

• Kuenta katlawa komo milimakgalhtawakget lakaskin tamakgtay xlakata namakgantaxti makgapitsi tastakyaw xalak Biblia. lakatitum kamakgpuwantini wi tuku nalakgpali kxlatamat xlakata paxki Jehová (Pr 27:11; Jn 14:31).