«Kalichuwinaw kata xla xatlan xtalakaskin Jehová»

«Kata xla xatlan xtalakaskin Jehová» ni kaj akgtum kata

61:1, 2

• Kilhchanima kilhtamaku nema Jehová kamaxki talakaskin latamanin namakgamakglhtinankgo tamakatsin xla lakgtaxtut.

• Kxapulana siglo, «kata xla xatlan xtalakaskin Jehová» tsukulh kata 29, akxni Jesús tsukulh lichuwinan Dios, chu sputli «akxni Jehová kamalakgaxokgelh», akxni masputuka Jerusalén kkata 70.

• Kkinkilhtamakujkan, «kata xla xatlan xtalakaskin Jehová» tsukulh kata 1914, akxni Jesús mapakgsina tlawaka chu nasputa akxni namin lanka takatsanajwat.

Jehová kalisikulunatlawa xkachikin «laklanka kiwi xa’akgstitum»

61:3, 4

• Kiwi nema tlakg xalaklanka anan makxtum stakkgo chu akgtum kakiwin wankgo, chuna lamakgtaya.

• Laklanka xtankgaxekg lalakgchimi chu tlawa pi tliwekglh natatijukgo xlakata natayanikgo lanka un.

• Kiwi nema tlakg xalaklanka kamaskgekga xalaktsujku, chu x’akgan nema yuja makgtaya katiyatni.

Xlikalanka katiyatni, tiku tapakgsikgo kcongregaciones xla kstalaninanin Cristo litamakgtayakgo «laklanka kiwi xa’akgstitum», tiku kamakgtayakgo chu kakuentajtlawakgo, uma kakilhchanima xatalaksakni tiku lamakgolhku kKatiyatni.