Tlakg kakatsini la nalichuwinana Dios: Liwana kamaklakaskinti takgalhskinin

TUKU XLAKATA LU XLAKASKINKA: Komo «talakapastakni kxnaku chixku la xapulhman chuchut», takgalhskinin wa tuku nakinkamakgtayayan nalakgchanaw chu namaxtuyaw (Pr 20:5). Akxni liwana lakapastakaw tuku nakgalhskininanaw, tlawayaw pi tiku tachuwinamaw tlan nakgalhtinan. Nachuna, takgalhskinin kinkamakgtayayan nakatsiyaw tuku lu xlakaskinka. Jesús liwana maklakaskilh takgalhskinin. ¿La tlan chuna natlawayaw?

LA NATLAWAYAW:

• Kakgalhskinti tuku lakpuwan. Jesús tlawalh makgapitsi takgalhskinin nema makgtayalh nakatsi tuku xlakpuwankgo kstalaninanin (Mt 16:13-16; be-S pág. 238 párrs. 3-5). ¿Tuku takgalhskinin tlan natlawaya xlakata tiku tachuwinampat nawan tuku lakpuwan?

• Katlawa takgalhskinin nema natlawa pi tiku tachuwinampat nakatsi tuku xlilat nakgalhtinan. Xlakata xlakgpalilh tuku nitlan xlakpuwan Pedro, Jesús tlawanilh takgalhskinin nema pulaklhuwa la tlan xkgalhtinalh chu chuna makgtayalh nakgalhtinan tuku xlilat (Mt 17:24-26). ¿Tuku takgalhskinin tlan natlawaya xlakata wi tiku namakgtaya nakgalhtinan tuku xlilat?

• Kawani lakwan tachuwin akxni nakgalhtiyan. Jesús wanilh lakwan tachuwin chatum tsokgna tiku «mastalh lu tlan takgalhtin» (Mr 12:34). ¿Tuku tlan nawaniya chatum tiku masta xtakgalhtin?

AKXNI AKXILHNITATA VIDEO KATLAWAW CHUNA LA CRISTO: MASIYAKAN, KAKGALHTI UMAKGOLH TAKGALHSKININ:

• Maski makgalhtawakgena xlikana tuku masiyalh, ¿tuku xlakata tlan nawanaw pi ni liwana makgalhtawakgenan?

• ¿Tuku xlakata ni kajwatiya talakaskin nalichuwinanaw tuku min klibro?

KAʼAKXILHTI TUKU LISPUTA VIDEO CHU KAKGALHTI UMAKGOLH TAKGALHSKININ:

• ¿Tuku xlakata tlan nawanaw pi tala liwana maklakaskilh takgalhskinin?

• ¿Tuku atanu tlawalh tala nema na tlan natlawayaw?