Akgtum talakawan nema matliwakglha kintakanajlakan

9:1-7

Kalilakpuwanti la makgkatsilh Jesús akxni talakgpalilh la xtasiya chu kgaxmatli pi xTlat xalak akgapun wa pi tlan xakxilha. Xlikana pi uma matliwakglhli Jesús, xlakata xtayanilh tapatin nema x’ama titaxtu. Uma tuku lalh na kaks lilakawankgolh Pedro, Santiago chu Juan. Kamakanajlilh pi Jesús wa Mesías xwanit chu tlan pi kstalaninanin xlitaxtukgo. Max puxamakutiy kata alistalh, Pedro chuntiya xlakapastaka la uma matliwakglhi takanajla nema xkgalhini «ntachuwin wa ntu xtalilhkanit nchuna nalay» (2Pe 1:16-19).

Maski akinin nila akxilhwi uma talakawan, pero akxilhmaw la kgantaxtuma. La uku, Jesús chatum tliwakga Mapakgsina. Nialh makgas, «natlajanan» chu nalimin xasasti kakilhtamaku niku naʼanan tuku xaʼakgstitum (Ap o Rev 6:2).

¿La matliwakglhnit mintakanajla akxni akxilha la kgantaxtutilhanit tuku xlichuwinanit Biblia pi xʼama lay?