Xaxlikana kstalaninanin Cristo litalakgapaskgo xlakata lapaxki: Ni kaj wa kaputsaw tuku tlan nakinkakitaxtuniyan chu ni lakapala kasitsiw

TUKU XLAKATA XLAKASKINKA. Jesús wa pi xaxlikana kstalaninanin xʼamakgo litalakgapaskgo xlakata xlapaxkikgolh (Jn 13:34, 35). Xlakata nalimasiyayaw tapaxkit chuna la Cristo, talakaskin nakalilakgaputsayaw amakgapitsin chu ni lakapala nasitsiyaw (1Co 13:5).

LA NATLAWAYAW

• Pulana nalilakpuwanaw tuku matsukilh taʼakglhuwit chu tuku nakitaxtu komo ni namachokgoyaw tuku tlawaputunaw akxni wi tiku wan o tlawa tuku kinkamakgasitsiyan (Pr 19:11).

• Kalakapastakwi pi putum makglakgalhinanin akinin chu min kilhtamaku wanaw o tlawayaw tuku alistalh nitlan limakgkatsiyaw.

• Lakapala nalakkaxtlawayaw taʼakglhuwit chu nalatalalimparayaw.

AKXNI AKXILHNITATA VIDEO «KALAPAXKITIT MINCHATUNUKAN»: TAPAXKIT NI PUTSA TUKU KAJ XLA TLAN NAKITAXTUNI CHU NI TUNKUN SITSI, KAKGALHTI UMAKGOLH TAKGALHSKININ:

• ¿La kgalhtinalh Daniel tuku wanilh Tomás?

• ¿Tuku makgtayalh Tomás xlakata ni nalamaʼakglhuwi?

• ¿Tuku tlawalh xatlan xtakgalhtin Tomás?